In 2020-04-04 10:06, Kjell Rehnström scrit: > Li question es si on anc ne vell posser introducer "smart" quam un > occidental-parol. Fórsan mi perspective es tro strett, ma yo suposi que ne > solmen in li sved smart es plenmen incorporat. E smartfon sembla esser tre > international. Quam un buffa yo pensat pri "sagifon", ma to es plutost por > li imaginat "cabinette por curiosi coses"!
Yo pensa que "smart" es ancor tre usat por far un distintion comercial ínter tipes de telefones mobil, pro li novitá, ma quel distintion va esser minu e minu important in futur. Ancor "pur" telefones mobil va existir, t.e. telefones sin computatoral capabilitás, por specific necessitás. Dunc it sembla me que far li distintion "smart" por distinter li pluparte va esser ne necessi. Pro to, adopter li radica "smart" solmen por un tal specific distintion, quel sovente ne es necessi, durante que hay alternatives per propri radicas de Interlingue, sembla me ne sat util. Anc in hispan on usa "smartphone", ma presc solmen in television o presse, scrit quam un parol foren. On quelcvez usa anc li hispan equivalent expression "teléfono inteligente". Ma frequentmen li distintion ínter mobil telefones inteligent e íninteligent ne es necessi, pro li contextu. In omnidial vive, on usa li hispan paroles "móvil" o, minu sovente, simplicmen li general "teléfono". In american variantes del hispan lingue li paroles es diferent. In céteri, pro li fonetic regules del hispan lingue, on changea li anglesi pronunciation de "smartphone" a "esmárfon". -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#173): https://groups.io/g/interlingue/message/173 Mute This Topic: https://groups.io/mt/72759682/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
