Ex li articul «Infinitive per -r», de A. Deminger, in Cosmoglotta A 54 (1928-11):
____ li verbes have quar formes (amar, ama, amat, amant) e per medie de auxiliares (va, ha, vell, fe, es) on posse expresser omni desirat formes, modos e témpores ____ Li verb auxiliar «fe» apari solmen 14 vezes in Cosmoglotta, ínter 1928 e 1932. Ma solmen 4 vezes ex ili it es vermen usat, durante que li ceteri 10 vezes it es mentionat in lingual explicationes. Li ultim vez «fe» apari in numeró A 83 (1932-07), in un articul de A. Z. Ramstedt, quam un certificat de mort: ____ li expression «fe amar» es presc nequande usat ____ Yo trova analitic formes plu desirabil in un lingue international, pro facilitá e claritá. Adplu li duplic signification de «-t» posse esser un poc genant in cert casus. In Cosmoglotta A 42 (1927-09), A. Z. Ramstedt scrit pri to in su artícul «Li preterit per -t»: ____ Li sol objetion, quel on posse far contra un preterite «mi amat» es ti, que possibil confusion con perf. part. va far li sense del frase ínclar. Ma esque li experientie de un tal grand lingue quam li anglesi ne monstra, que tal timore ne es motivat del practica? Si li claritá vell postular, on ya posse intercalar per «ha» o mem usar li construction «fe amar». Un preterite per -t libera nos de augmentar li númere del formes del verbes, queles til nu ha esset solmen 4 in Occidental. E noi ne besona introducter nov formes, queles vell mutilar li international parol-images. ____ Yo questiona me pro quo «fe» devenit neusat ja del prim annus del lingue. Apropó, Interlingua-IALA have ambi formes sintetic e analitic por future e conditionale, e secun mi ancian leturas yo creda que li formes sintetic es plu usat. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#211): https://groups.io/g/interlingue/message/211 Mute This Topic: https://groups.io/mt/76125002/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
