Nuhun Mj, guaran anu sakitu munelna ngunaan urang Kanekes. Kacindekan kuring, umum pisan, memang loba anu masih merlukeun panalungtikan ngeunaan asal-usul urang Kanekes, oge asal-usul urang sarerea.
Jelas, urang Kanenekes mibanda ajen inajen anu enas-enasna bisa dipulungan, diturutan di alam kamoderenan anu dirandapan ku kumna urang. Upamana wae: miara alam jeung hirup saimbang jeung alam, teu ngahutang, teu ngalaman kriris moneter, teu gumantung ka luar (kajaba uyah, asana mah hehehe). manar 2010/12/2 mang jamal <[email protected]> > > > sabenerna istilah primitif awal mulana muncul di wilayah antropologi pikeun > nyirian suku bangsa nu masih terisolir atawa ngisolasi karep. tabi beh dieu, > istilah eta diganti atawa teu dipake. da sihoreng masyarakat nu kungsi > disebut primitif geus baroga ajen inajen nu luhur, utamana kana sistem > nilay, kamasyarakatan jeung budaya sejena. henteu leuwih goreng ti batan > budaya modern. malah dina urusan moral mah leuwih hade. > > ari soal urang baduy jeung hubunganana jeung atlantis mah mangga teh > teuing. tapi teu atawa can aya raratanana perkawis eta boh dina carita > pantun boh dina sumber sejen. kalolobana panalitian, boh pihak walanda jaman > kolonial boh beh dieu ku antropolog bangsa sorangan, ngan nepi ka sasakala > atawa asal usul urang baduy. > 1. sawareh boga pamanggih yen baduy teh asalna ti pajajaran tea. cenah > kabur atawa ngungsi alatan perang tea jeung banten. > > 2. nomer hiji eta teu pati kaharti, naha bet kabur ti perang pajajaran > jeung banten tapi malah sacara geografis ngadeukeutan banten. lain kabur ka > wetan. > > 3. hipotesis eta dipareuman ku, salah saurangna, prof kuntjaraningrat. dina > buku baduy dari inti jagat aya. alesanana, kahiji, masarakat pajajaran hindu > geus kenal budaya gerabah, barisa nyieun gerabah, kendi gentong jsb. urang > baduy mah teu barisa atawa teu nyarieun. eta bukti yen baduy lain turunan > pajajaran. > > 4.tapi anehna, di baduy aya atawa loba pantun nu nyabit-nyabit kecap > pajajaran. > > 5. hartina, maranehna memang turunan pajajaran, ngan meureun dirahasiakeun, > embung kapanggih kitu.yen maranehna teu nyarieun gentong, tapi dipake pikeun > pabeasan, nembongkeun kapatuhan ka adat, nu meunang mulak-malik/ngolah > taneuh cara nyawah. make gentong ieu salah sapuluh panalungtikan si kuring. > nanya ka samin urang cikadu jeung pulung urang ciranji, jawabanana sarua, > kahiji, urang baduy teu barisa nyieuna, kadua, teu nyieun gentong eta > meureun bagean ti buyut: teu menang molak malik taneuh. sanajan pajajaran > geus bisa nyieun gentong, baduy mah henteu, bisa jadi alatan nu kabur ka > dinya ti pajajaran, kelompok prajurit, nu teu bisa nyieun gentong. da ari > pandey beusi mah aya di batu beulah. > > 6. pamanggih sejen, ti baheula baduy minangka mandala, sarupaning pasantren > pikeun para pendeta atawa kyai. meureun cara shao lin kitu di tiongkok. > wilayah nu urusanana agama, lain dunia. teu kapangaruhan ku kajadian di luar > wilayah kanekes. sanajan kitu, pikeun tanda satia ka nagara, sok ngayakeun > seba satuan sakali ka panguasa. baheula mah cenah nepi ka bandung. ngan > dicaram ku urang bandung, da jauh, karunya. (da urang baduy jero mah kudu > leumpang kamana-mana ge). cukup ka bupati di banten we. ayeuna mah ngan ka > gubernur banten di serang, asana aeuna ngan ka bupati lebak wungkul di > rangkas. > > 7. ti pihak urang baduy, urang baduy mah ti baheula di dinya. asalna ti > dinya. nya turunan batara cikal.nu diturunkeun kunu kawasa di dinya. > sasakala dunya oge urang baduy mah boga. asalna cenah cair terus jadi teuas > sagede jangjang reungit. terus ngagedean. jarang aya nu boga sasakala dunya > model kitu. bisa nyaingan fisika modern cara big bag atawa hawking. haha. > > 8. soal agama, cek cenah kabehdieunakeun mah geus siga sandwich. kacampuran > ti hindu buda islam. tapi dasarna nu monoteis tetep aya. > > tapi dina kosmologina mah, di bale nyungcung, nu ngersakeun (yg maha kuasa) > tetep pangluhurna (dina islam mah arays kursyi tea meureun). di lapis > handapna, tempat sunan ambu jeung nyi pohaci, terus ka handap, aya dalapan > belas lapis, karek ka buana panca tengah (tempat manusa). konsep agama sunda > wiwitan teu aya reinkarnasi oge sanes pantheisme (cara kejawen nu > manunggaling kawula gusti). cek agama sunda wiwitan van baduy, roh jelema nu > paeh, nepi na ka lapis kadua, ka tempat sunan ambu jeung nyi pohaci, teu > nepi ka lapis tempat Nu Ngersakeun. logis! > > 9. sacara etnik, urang baduy urang sunda. tanya we mun panggih jeung urang > baduy. sacara budaya, maranena ngaku leuwih sunda tibatan urang sunda di > luar kanekes. sabab nu disebut sunda, cek maranehna, kudu jeung agamana. > dina henteuna, urang baduy ngarasa urang sunda nu leuwih kolot. enya ari > kitu na mah, sabab maranehna sunda sagalana utamana agamana. > > 10. urang baduy luar barisa maca tulis sawareh, utamana nu sok kaluar > kanekes pikeun dagang produk baduy cara madu, baju, jsb. barisa > sorangan/otodidak atawa dipapatahan ku babaturanana nu sarua sok daragang ka > luar baduy. > > 11. asal kecap baduy: ti gunung baduy (pasir, lain gunung nu badag), antara > kampung kaduketug (tempat kantor desa kanekes, deukeut terminal ciboleger. > kaduketug ieu kampung baduy pangluarna ti arah ciboleger. kanekes, di ngaran > salah lima walungan, cikanekes. aya oge ngaran walungan ciparahyang. sigana > kecap parahyangan asalna ti dieu. > > 12. baju aslina nyieun sorangan tina serat kulit kayu. tapi ayeuna geus > kacampuran ku bahan pabrik. baduy luar cirina marake baju hideung iket biru > batik citak meuli ti tanah abah, baduy jero, baju bodas iket bodas. > > 12. geus heula ah lapar. hahaha > > > ** > > > >
