Boas a todos, Antes de nada preséntome: chámome Aníbal e estou estudando na UDC, e cheguei aquí pois para seguir de cerca este gran proxecto que é Trasno.
A miña pregunta/proposta é sobre as páxinas man, que como saberedes é algo básico de todos os sistemas Unix, e ata onde sei non teñen traducións ó galego. Así mesmo, as páxinas man teñen tradución ó castelán, pero aínda así non ó 100% nin moito menos, e algunhas traducións xa están obsoletas. Por iso creo que estaría moi ben poder traducilas, polo menos as básicas que veñen en case todos os sitemas GNU/Linux (isto é un punto a favor, tradúcense unha vez e xa serven para todos os sistemas, ademais de que poucas veces se modifican). Para min son un apoio básico do sistema, que emprego moitas veces e apréndese moito delas. Por outra parte, cando alguén se inicia neste SOs e lle dis que busque nas páxinas man, pouco pode facer senón entende o inglés, amais de que hoxe en día cada vez a xente le menos e quere todo feito, senón se entende pois apaga e vámonos. O que non sei ben é dende onde se traducen, andiven mirando algo pero agora que a páxina web do kernel está caída, pois non encontrei moito (http://www.kernel.org/doc/man-pages/). Non sei se este tema xa se falou por aquí, pero como non encontrei nada ó respecto... Eu actualmente non dispoño de tempo para poñerme a traducir (amais de que non entendo gran cousa do inglés, que é máis importante), así que é proposta xeral por se alguén estivera interesado. Igual no futuro podería axudar, pero de momento xa teño bastante traballo. Tamén aproveito para darvos as gracias a todos os que compoñedes Trasno e adicades o voso tempo en prol do espallamento, e á vez achegamento, da nosa querida fala. Saúdos a todos e unha aperta. _______________________________________________ Proxecto mailing list Proxecto@trasno.net http://listas.trasno.net/listinfo/proxecto