de "plena vortaro de e-o" ni heredis artikolon terapio kaj apartajn artikolojn: 1 - elektroterapio, radioterapio 2 - galvanoterapio 3 - fitoterapio, fizioterapio, hidroterapio, seroterapio.
al mi sxajnas, ke la unuajn du ni povas prezenti kiel derivajxojn de terapio. cxu iu malkonsentas? pri galvanoterapio la afero estas malpli klara al mi: cxu gxi samsencas aux ne kun elektroterapio? cxu la artikoloj pri "galvanismo" kaj "galvana" suficxas por rigardi gxin derivajxo, kaj cetere cxu ankaux galvanismo siaflanke povus aperi kiel derivajxo de galvana (kun la sekvoj pri la akcepteblaj sencoj de -ismo)? la vortoj de la tria grupo ne estas analizeblaj, do restu en apartaj artikoloj. krome, kompreneble oni povas esplori pri sinonimigo de la lastaj kun pli klaraj kunmetoj kaj eventuale de cxiuj kun "kuraco"-derivajxoj. ne tion mi momente celas cxi tie. se vi ne povas deteni vin de tiu alia temo, bonvole kreu apartan fadenon por gxi. jxeromo
