Re[3]: [Urang Sunda] Logika-logika anu salah/ibadah vs korupsi

[dudi]

Haturan Kang Oman, Kang Tito sinareng Kang Hasan...,    Kang Oman, Insya Alloh minggon payun sim kuring di bdg, mung teu acan tiasa janji nepangan bilah teu kabujeng kumargi teu acan jelas jadwal kegiatanana, upami aya waktos mah torojol baelah da alamat mah tos ayalah. (punten ngalangkungan jarum)   Perkawis korupsi alesan pikeun ibadah kalebet "logical fallacy (LF)/kasalahan logika (KL)"  raraosan mah langkung condong kana manipulasi logika, nyumputkeun niat awonna eta jalmi, atanapi leres kasauran Kang Rani "sempal kapiguyon" wungkul ti sang koruptor nyumputkeun kaera, mung masyarakat serius teuing nganggapna anu antukna janten LF/KL kanggo anu awam.     Kang Hasan, punten ngiring nimbrung nya! etang-etang ngabuburit bae ieu mah. Perkawis istri hoyong make-up ku alesan ibadah (nyugemakeun caroge) > carogena ngagunakeun logika (fikr/uteuk) samentawis istrina meryogikeun estetik (rasa/hate) ku alesan anu logis antukna tulalit. Make-up sejarahna kumaha, nya? Moal kitu kawitna tina balur supados teu dikerepuk rengit sapertos urang irian? Teras panginten aya jalmi anu gaduh citarasa estetis balur teh dipapantes anu antukna ayeun janten etiket yen sakumna istri kedah nganggo make-up malih ayeuna mah tos janten etika anu logis, teu logis upami istri henteu nganggo make-up. lieur jadina....!!!     Kang Tito, punten teu dipayunkeun kumargi ngait kana "ruh" mah abot pisan. Ieu aya ayat kanggo ngayakin keun (sugesti) keging milarian ku search engine kapungkur aya posting software Al-qur'an upami teu lepatmah ti Kang Surya, kumaha Kang Surya hadir kitu?)anu unina "Roh itu termasuk urusan Tuhan-ku, dan tidaklah kamu diberi pengetahuan melainkan sedikit"[17;85] sok sanaos sakedih tapi tiasa dibuktoskeun existensina.   Upami diudag kana ruh-na ka kurung sadayana manawi nya, Kang Tito. Janten naon-naon anu dipilampah ku urang teh kedah tuntas/palipurna, terang mana syareat mana anu hakiki/haq-na, ibadah ritual/mahdoh mangrupi tarekah kanggo ngahontal tujuan akhir-na nyaeta asalna ti Pangeran balik ka Pangeran, asalna suci balik kudu suci upami henteu suci moal bisa balik ka asal. Janten upami kitu mah hirup teh mangrupi lalampahan ruh anu "terjebak" diraga manusa, da engke ge raga badagna mah ditinggalkeun. Ibarat mobil ditinggalkeun supirna nalika sisupir tos teu butuheun mobil, tiasa kumargi tos dugi ka tujuan atanapi mobilna reksak, supados dugi katujuan mobil ulah boga kahoyong anu neko-neko, percanteunkeun bae ka supir, ceuk supir mengkol-mengkol ulah lempeng upami mobilna ngalawan hartosna eta mobil aya gangguan kedah dibengkel. Tah ayeuna dimana ruang kontrol diri urang tempat dumukna supir? (sakitu heulalah kabujeng leiur deui bae...), Kang Tito anu dipihormat, hapunten ngajina sim kuring deet keneh.       Wassalam, dudi_ss ----- Original Message ----- From: mh To: [EMAIL PROTECTED] Sent: Wednesday, October 27, 2004 12:00 PM Subject: Re: [Urang Sunda] Logika-logika anu salah kang OMAN kuring jadi inget kana kasauran ustad A.F. GAZHALI, da'i kondang tea nu sok da'wah nganggo basa SUNDA. dina salah sawios ceramahna aya dialog, antara caroge sareng istrina. --- Oman Abdurahman <[EMAIL PROTECTED]> wrote: > > Dina kahirupan sapopoe, urang mindeng ngalakukeun > atawa boga sikep hirup anu jero-jerona nembrakkeun > kasalaha logika.     Komunitas Urang Sunda --> http://www.Urang-Sunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.