In 2020-12-20 18:13, Marcos Cruz scrit: > - Secun Janotta (1929): «li finale -men es ínaccentuat e ne have > influentie al accentu del céteri parol-parte». > > - Secun Ramstedt (1929): «li termination adverbial -men ne changea li > accentu» (ex version anglesi de MacLeod, 2019). > > - Secun Hass (1956): «[li síllabe] *men* [...] in li fine del parol es > ínaccentuat e ne changea li accentuation del precedent parol-parte».
> Tamen/támen :) yo ancor ne ha trovat altri paroles afectet ultra > «tamen». Yo ha trovat un nov parol con un finale «-men» quel ne es li termination adverbial «-men»: «fenomen». Dunc secun li explicationes del grammaticas li accentuation regular es: - «fenomEn» secun Ramstedt (1929) - «fenOmen» secun Janotta (1929) e Haas (1956) In Cosmoglotta (1927-1950) hay 61 «fenomen», null «fenómen» o «fénomen», dunc li accentuation regular es valid, sive «fenomEn», sive «fenOmen». In Cosmoglotta A 55 (1928-12) De Wahl scrit lu sequent, quo auxilia aclarar li afere: ________________________________________________ Accentuation del adverbial finale -men Mani persones ne vole haver accentuat li finale -men de adverbies, altris ne vole haver un exception. Prof. Jespersen in «Mondo» monstra un tre bon medie por escapar ti desagreabilitás. In veritá ambi es just in su postulation. In li parol «áltrimén» in veritá ambi síllabes es un poc accentuat e quel es un poc plu es vermen egal. Do noi posse preciser nor regul talmen: Li principal accentu del adjective resta e ultra to on accentua anc un poc li finale -men secun li general regul. ________________________________________________ Il parla pri «un exception», ti del «finale -men de advebies» (sammen quam Ramstedt). Si li exception vell esser pri omni finales «-men» (quo di Jannota e Haas), il vell redacter li textu altrimen. Dunc it sembla me que Ramstedt es rect (li exception es li termination adverbial -men), durante que li redactiones de Janotta (finale -men) e Haas (síllabe final -men) es ínprecis e erratori. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#397): https://groups.io/g/interlingue/message/397 Mute This Topic: https://groups.io/mt/79107414/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
