In 2020-12-20 18:13, Marcos Cruz scrit: > - Secun Janotta (1929): «li finale -men es ínaccentuat e ne have > influentie al accentu del céteri parol-parte». > > - Secun Ramstedt (1929): «li termination adverbial -men ne changea li > accentu» (ex version anglesi de MacLeod, 2019). > > - Secun Hass (1956): «[li síllabe] *men* [...] in li fine del parol es > ínaccentuat e ne changea li accentuation del precedent parol-parte».
Ultra li dit «tamen» e «fenomen», yo trovat «pergamen». Li accentuation de ti parol sembla sat clar (pergamino, parchemin, perchemin, pergamenum, pergamena, pergamina, pergamenus). Adplu li ortografie in Cosmoglotta es sempre «pergamen(e)». Dunc yo crede que finalmen li misterie posse esser soluet: RAMSTED HAVE RASON: li exception es li termination *adverbial* «-men», ne qualcunc parol-fine «men»! In contrari, Janotta e Hass scrit erratori explicationes queles fa creder que li regular accentuation de ti paroles es tAmen, fenOmen e pergAmen, o mem, secun un subtil ma possibil interpretation del textu de Haas (t.e. su expression *precedent parol-parte*): tA(men), fEno(men), pErga(men). Fórsan nequí interessa se pri un afere quel afecte solmen tri paroles (til nu), ma yo havet ti dúbita desde long témpor, hant leet li contraditori explicationes in li grammaticas. Yo va corecter ti detallie in li libre digital del grammatica de Haas per change e ped-note. PS: Dave, vole tu ples far simil in li nov editiones web de ti textus de Haas e Janotta in http://occidental-lang.com? Yo desde plu quam un annu ne plu usa Git, e presc obliviat qualmen far mult taches per it. Pos quin annus usante Git mi ne plu volet suffrer su misteriosi e ínnecessi complicationes, e pos serchar alternatives yo comensat mover mi projectes al programma Fossil (http://fossil-scm.org), benque mi conserva automatic copies in GitHub. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#452): https://groups.io/g/interlingue/message/452 Mute This Topic: https://groups.io/mt/79107414/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
