Baraya, Langkung tipayun seja ngawilujeng keun ka kang Roza anu parantos dipercanten gelar Raja Pajajaran, hayu urang dukung masing handaruan sorana, nyebar mencar sa Pasundan nyambuang sa Nusantara. Sugan kahareupna tina Raja Pajajaran sing ngajadi Raja Nusantara, saha we engke mah penerusna isuk jaganing geto, naha bade ilen kardani atanapi kang Oman. Nasib teu pahiri-hiri bagja teu paala-ala, teu meunang di embung-embung jeung dihayang-hayang. Geus kitu bageanana masing-masing, sami sareng kang Roza anu kapentok janten Ratu di Pakuan, minimalna urang Sunda pituin, keun wae turunanana mah teu kudu dipaluruh teuing da panjang teuing lalakona. Nu penting mah seja ngabakti kana kahadean, tangtu kawidian ku Nu Maha Kawasa maparinkeun Wahyu Cakra Ningrat ka anjeuna. Mangka hade ulah jadi bahan piheureuyeun, da kumpulan raja-raja Nusantara teh lain grup sandiwara. Malahan ceuk beja nu kapanggih mah Panglima Pajajaran na oge parantos jeneng di Pasundan.
Pikahareupeun, kuring rek milu ngabakti ka raja panyelang jeung mere saran sarupaning: - Urang pernahkeun Raja Pajajaran liinggihna di Istana Bogor, penta we da ieu mah hak urang sa Pasundan ngarah urang sarerea reueus boga raja anu merenah di tempatna. Lain arek jajawaan, tapi memang kitu pantesna. - Raja Pajajaran keur sawatara waktu kudu dibere 1% tina PAD keur ngaronjatkeun pangwangunan di tempat-tempat anu teu kasiwer ku pamarentahan Dede Yusuf. - Aparat kerajaan kudu dieuyeuban deui ku para Rama-Resi, dangdayang Pajajaran. Sakitu heula panginten tawis pangabaktos ti sim kuring. Ilen kardani ________________________________ From: oman abdurahman <[email protected]> To: [email protected] Sent: Tue, July 20, 2010 12:58:52 PM Subject: Re: [kisunda] Re: Fw: RAJA PAJAJARAN ANYAR Baraya, Ngiring ngawangkong, mudah2an teu ngabuntut bangkong ...atawa...urang nganggo jurus "cai dina gelas satengah pinuh" alias jurus optimistis heula, heuheu. Geus rada lila si kuring meunang beja ayana kagiatan pajemuhan para "raja-raja" sa-Nusantara di Bandung. Anu dimaksud para "raja-raja di dieu - urang definisikeun heula sawatara waktu - nyaeta aranjeunna anu masih katurunan para raja-raja di Nusantara baheula. Diantarana wae, raja Kutai, Raja Palembang (Sriwijaya), Raja Bugis/Bone, raja Cirebon, jrrd. Data tambahan ngeunaan hal ieu anu pantes dihubung-hubungkeun , upamana wae, dina hiji kasempetan nalika si kuring mulang ti Jakarta ka Bandung keun, di km 40-an, mobil si kuring disusul (disalip) ku hiji mobil anu dina panto tukang eta mobil aya tulisan "raja Kutai" lengkep jeung simbolna. Ari tempat pajemuhanana di Bandung, diantarana nyaeta di bumina salah saurang kasepuhan di Bandung anu kawentar ku jujulukna: "Abah Olot" atawa "Rachmat Bedog". Anjeunna oge malah anu jadi pacurhatan (tempat curhat, ceuk para abg mah) alias tempat para raja2 ti sakuliah Nusantara ieu nepikeun pangangluhna (keluhanana) . Naon anu diadukeun ka abah Olot ku aranjeunna teh? loba hal, diantarana wae masalah-masalah sapopoe anu mindeng kapanggih ku urang sarerea di media massa: tambah nyirorotna karaharjaan rahayat, karusakan lingkungan, tambah leungitna hak tanah ulayat atawa tanah adat (kaasup leuweung, sumber cai, jsb), harga-harga pangabutuh sapopoe anu wuwuh pating terekel nararaek, jsb. Bari ngangluh atawa curhat teh - sakumaha tina obrolan abah Olot (abah) via tlpn - sadaya eta wawakil "karajaan2" teh ngabadamikeun kumaha jalan kaluarna, kumaha hadena, boh ngageuingkeun pamarentahan anu aya ayeuna atawa ningkatkeun karaharjaan "rahayat" di wewengkonna sewang-sewangan bari tetep aya dina pigura (bingkai) NKRI. Geus sababaraha kali akhir-akhir ieu si kuring ditawaran miluan ngariung atawa ngahajakeun ka bumi abah atawa si kuring sorangan janji "tarsok" ("sebentar-besok" atawa "muhun engke atawa enjing" atawa "inggih-inggih ora kapanggih" ceuk urang wetan mah) pikeun tepang sareng "para raja ieu" atawa ngawangkon ngeunaan maksud eta pajemuhan2 sareng abah Olot. Ngan nya kitu, teu kalis ku balas pakepuk atawa cicing, tacan kalaksanakeun wae. Nepi ka "kasus" anu akhir ieu anu mana kang Oca jadi "raja", kamari oge kebat ditaroskeun ka abah via sms. Waleran abah: "teu bisa dina sms ngajawabna atawa ngobrolna. Nya si kuring oge "tarsok" deui wae ngawalon abah dina sms" (enya ari kituna mah, teu nalipaka maneh wae anu nanya teh - nya kuring tea - hehehe). Minangka panutup, sababaraha kacindekan kuring tina ieu "fenomena kang Oca jadi Raja" nyanggakeun sarupa di handap ieu: 1) Katurunan para raja sa-Nusantara di urang katembongna masih aya di kieuna. Di sagigireun masih aya, aranjeunna oge masih lumayan mibanda sumber daya (resources) atawa kakuatan, boh mangrupa harta banda atawa rajakaya atawa rakyat anu masih ngahargaan ka aranjeuna; 2) Leuwih ti eta, ieu para raja teh dina waktuna rahayat sangsara mindeng jadi gunung pananggeuhan masyarakatna pikeun kaluar tina pasoalan anu disanghareupana ku masyarakatna di wewengkonna masing-masing. Pon kitu deui, ieu katurunan raja-raja sa-Nusantara teh masih mibanda wibawa oge perhatian pikeun ngurus "rahayat"-na. Leuwih jauh ti eta, ieu para katurunan raja-raja teh masih mikiran kumaha NKRI pikahareupeun ku cara jeung kakuatanana masing2 anu masih ngari danget ieu (Catetan: nya panyimpangan aya wae hiji dua kasus. Aya oge katurunan raja-raja anu geus teu nolih ka nasib rahayatana, sakumaha baheula wae keur jaman Walanda, aya anu ngalawan penjajah, teu kurang oge anu gawe bareng jeung nu ngajajah); 3) Kukituna, kasus "kang Oca jadi raja" keun wae heula teu kudu buru-buru geruh atawa ulah gagancangan ear, kusabab sababaraha hal. - Kahiji, urang tacan jelas pisan naha kang Oca teh satuju dipaparin gelar siga kitu atawa ukur lalandian ti pihak pakumpulan "raja2" sa Nusantara wae eta mah anu karumpul di hiji tempat laju maparin gelar ka sababaraha "tokoh". Babandinganana, lamun urang aya anu maparin katuangan atawa panganggo (baju atawa kaen), urang pan moal langsung nolak sapajodogan ku sabab ngaragangan tea ka anu maparin. Kajaba lamun anu dibikeun ka urang teh hiji hal anu pibahlaeun, jst. - Kaduana, urang apan tacan nampi ti kang Oca kumaha sikepna atawa kateranganana ngeunaan eta kajadian anjeunna "dilantik". Boa-boa nalika dilantik teh anjeunna mah satemenna teu hadir, jst. - Katiluna, na bet jadi pasoalan teuing. Salila teu ngalanggar hukum posotif di ieu NKRI mah eta "pelantikan" teh sah-sah wae. Malah, urang antosan pancen jeung pelaksanaan tina tugas kang Oca anu sakitu ageungna (hilap deui, "raja" urusan naon tah kang Oca teh, aya dina deklarasi anu dipostingkeun ka ieu milist). Sah-sah wae hiji warga Indonesia kenging gelar "raja" di jaman kiwari, komo bari mancen tugas anu mulia keur masyarakat mah. Yulia Perez atawa Sahrani wae nalika kenging gelar ti "karajaan" Solo urang teu aya nu ribut. 4) Usaha-usaha ti para katurunana mantan raja dina raraga ngabela ("mantan") rahayatna jeung lingkunganana tina kasangsaraan hirup oge karusakan lingkungan pantes dirojong ku urang sadaya. Dina lebah dieu, boa-boa kang Oca teh keur nyambungkeun hubungan jeung "para raja" anu cenah akhir-akhir ieu aranjeunna mindeng ka Bandung; 5) Aya hadena maluruh katerangan anu leuwih jelas heula samemeh urang leuwih jauh hog-hag atawa ngajadikeun hal ieu hiji pangecean (bahan olok-olok), salila, sakali deui, eta "susunan" para "raja" teu ngarempag aturan hirup (agama jeung nagara). manar Naon anu diobrolkeun ku aranjeunna? 2010/7/20 Ii Sumirat <sumi...@bdg. bumiputera. co.id> >Hehehe aya aya wae kang dudi > > >From:kisu...@yahoogroups .com [mailto:kisu...@yahoogroups .com] On Behalf Of >Dudi Herlianto >Sent: Monday, July 19, 2010 10:37 PM >To: kisu...@yahoogroups .com >Subject: Re: [kisunda] Re: Fw: RAJA PAJAJARAN ANYAR > > >ih ulah ngaraledek siah. kade. bisi heueuh aya raja anyar. da nu ngaranna raja >mah di mana-mana ge ujug-ujug pucunghul. 'aing raja, deuk naon sia? hayang >dibekok?'. pokna. > >-- >d-: dudi herlianto :-q >kunyuk nuyun kuuk, kuuk nuyun kunyuk
