Manyolo pulo ambo saketek yo, Doens. Manuruik ambo, apo nan disampaikan Wady tu adolah pancaliakan dari dunia nan ado kini, khususnyo awak sabagai urang minang. Cari kasanyo, Wady manyindia kito jo caro haluih baso kito ko bangso nan munapiak. Suku nan munapiak. Kito mamandang tinggi akan ajaran Islam tapi disisi lain kito mamijak ajaran-ajaran Islam. Kito katokan urang Amrik tu kapia sirah, tapi teknologinyo kito bajak. Bahkan indak saketek nan mamakai Window bajakan. Kito katokan baso urang awak tu labiah basahabaik, tapi nan nampak di mato, ado kelompok-kelompok dalam palanta ko nan hanyo namuah mambaleh email nan "berbobot". Apo lai kalau pangirimnyo dari Marsaile, Iowa, Seatle dlsb. Apo lai pulo dimuko namonyo ado gala akademis. Kito katokan baso urang awak tu kuek ka agamo tapi kito caliak anggota DPRD kito tarancam dikandangsitumbinkan kasado alahnyo. Sakalipun alah ado buya didadalamnyo. PAN nan katonyo partai reformasi dan PKS nan manyabuik dirinyo partai dakwah pun ado pulo dalam galuak tu. Indak saketek nan alah bagala haji pulo. Indak ado bagai urang kapia sirah didalamnyo do. Kito buek musajik disampiang musajik dengan alasan musajik jauah padohal kito hanyo mancarian kamanakan kito nan di IAIN makan. Kito puta lagu-lagu gambus produk arab tu dengan alasan syiar agamo islam. Tapi urang sakik gigi dan urang pulang karajo pagi indak parnah kito tenggang. Kito bangun kuburan ula ditangah jalan (tanggul) supayo urang indak ngebut dimuko rumah, tapi kito indak mampatenggangkan urang hamil dan nan sakik pinggang nan akan lewat Doens, Iko nan akan dicaliak dek si uyuang jo si upiak ambo nan ka gadang. Iko pulo nan dicaliak dek calon-calon atheis. Kito mungkin berang ka Wady atau dunsanak yang sarupo itu sabananyo dek inyo mungkin alah manyingkokan tukak nan ado di kapalo. Kito mungkin berang dek tulisan-tulisan vulgar tu kalua dari urang minang, tapi bagi ambo itu adolah proses sesorang untuak mamantapkan pilihannyo. Sanak Wady dan Doens sadonyo. Urang kapia sirah tu bisa maju dek inyo hiduik dengan menerapkan ajaran dasar islam dalam kahidupan. Sadangkan kito hiduik menerapkan ajaran jahiliah atau urang kapia. Contoh-contoh diateh adolah saketek dari sakian banyak tingkah kito. Cubo lah caliak Arab Saudi. Antah dima asa muasalnyo makonyo klaim tanah saudi tu punyo pihak kerajaan. Dima latak demokrasi nan diaja kan dalam islam? Sampai kini lamak bana laloknyo dibawah katiak Amerika nan kito kicekkan kapia sirah. Brunai ciek lai. Sampai kini dima ado urang tu nan santing-santiang utaknyo? Indak jauah-jauah. Cubo caliak bilo ado email nan indak saide indak ka ado gayuang nan basambuik doh. Indak ado thread email sasudahnyo sakalipun isinyo cukuik rancak dan bersahabat. Itulah, panilaian kito kadang-kadang terlalu subjektif. Memang kemajuan indak manjamin urang taat baragamo. Tapi kemajuan itu dakek pado kemakmuran. Sadangkan kamiskinan dakek pado kakufuran. Kito punyo banyak pilihan salain jadi kapia sirah bilo kito hiduik makmur. Doens, niniak muyang kito dulunyo bukan baragamo islam tapi manerapkan ajaran islam di ranah minang. Indak ado prahara nan indak bisa disalasaikan wakatu tu dek 3 tungku sajarangan. Kakacauan mulai tajadi dek masuaknyo ajaran Tumenggung nan dari Majapahit tu lalu dicocok-cocokkan jo 3 tungku sajarangan. Di katumangguangan harus ado pimpinan bagi 3 tungku sajarangan. Cubo lah pareso rumah adatnyo. Tampek musyawarahnyo batinggikan untuak duduak pimpinan, indak ubahnyo sarupo rajo-rajo jawa. Kalua bakatokan pulo Rajo partamo Minangkabau adolah Adityawarman (sejarah) nan bapusat di batusangka. Padohal ado rajo adat nan bapusat di Buo, wakatu itu. Rajo sangkek tu adolah majlis kerapatan 3 tungku sajarangan. Dalam sejarah, kakuatan adidaya sarupo Singasari, bisa dipatahkan dek urang minang. Ambo baco pulo dalam sajarah, sangkek itu Adityawarman alun masuak ka minangkabau lai. Alun ado bagai urang nan dimuliakan surupo dewa tu lai (Muliawarmandewa). Majapahit masih sagadang Balimbiang, masih mambayia pajak ka Singasari. Aratinyo hanyo ado ajaran parpatiah nan sabatang di nagari urang nan taat barugamo ko, Dharma-Arya (Dharmasraya). Firman Allah itu bukanlah makhluk. Sasuatu nan bersipaik makhluk akan binasa suatu saat nanti. Bilo kito umaik islam masih mampraktekkan caro-caro nan diajakan makhluk, mako suatu saat umat islam ko akan binasa.
Sabalun manjelo-jelo kian kamari, elok ambo sudahi dulu. Sakian komentar panjang ambo. Titip salam ambo ka Simon S. Lantiak Tabik. Yulmizar GBs *Catatan ----------- GBs bukanlah gelar akademik. Tapi kependekan Gindo Basa. Gala nan diagiah niniak mamak suku Guci nan dibawah payuang Parpatiah nan Sabatang dek ambo mampasuntiang anak-kamanakan rang Pilubang, Parik Putuih. C>-----Original Message----- C>From: [EMAIL PROTECTED] [mailto:[EMAIL PROTECTED] C>Sent: 13 September 2004 15:29 C> C>Assalamualaikum Wr. Wb., C> C>Sanak Wady, salamaik ultah yo untuak anak Wady Selina Destiani (today is two years), C>salam dari ambo, mungkin anaknyo baru sorang??. C> C>Mambaco carito kampuang dari Wady, manangih ambo dek inyo, karano caro panyampaian C>carito, gaya2 dll. itu memang batua2 Wady urang minang, logat2, mungkin kalau dicaliak C>langsuang caro bacarito, ambo yakin Wady iyo bana manandokan urang asli minang. C> C>Cuma ado ciek yang jangga ambo rasokan, dan batambah sadiah ambo sebagai urang C>minang ka dunsanak, dengan segala pemikiran dan sikap terhadap sang pencipta. C>Biasonyo sebagai urang minang, urang awak tu labiah basahabaik, kuek pegangannyo ka C>agamo, hanyo ka pado Allah, hiduik dan matiko disarahkan, anak, istri, keluarga, harta, C>pusako dll. titipan dan semua itu hanyo milik Allah, dan tidak mencintai lebih dari cinta C>kepada Nya. C> C>Sakian dari ambo yang memang indak diminta mengomentari do, banyak maaf. C> C>Wassalam, syahril. C>Catatan: Memang urang arab tu indak anak manis do, dek karano itulah nabi Muhammad C>SAW, diutus disitu, bukan diminang dll., itu manandokan disitulah jahiliah sarangnyo, C>mudah2an awak ko alun talambek untuak batobat. C> C> C>> -----Original Message----- C>> From: Wady Afriadi [SMTP:[EMAIL PROTECTED] C>> Sent: Monday, September 13, 2004 6:31 AM C>> To: [EMAIL PROTECTED] C>> Subject: [EMAIL PROTECTED] Simon S. Lantiak, Kawan Ambo C>> C>> C>> "Awak lah diota urang panggaleh, di abaik ka tujuah baleh tibo inyo ka C>> nagari awak.... --" C>> C>> Tapaso lah ambo indak bisa malanjuikkan isi surek Simon Sei Bulantiak tu C>> disiko. C>> C>> Sabab, bisa dikaluakan ambo dek Niniak Mamak kito nan duduak di ateh C>> tingkah di palanta ko. C>> C>> (w) C>> Senin 13 September 2004/ 27 Rajab 1425 H. C>> A tribute to Selina Destiani (today is two years), my daughter. C>> C>> I love you, more than any religion. C>> C> C>____________________________________________________ C> C>Berhenti/mengganti konfigurasi keanggotaan anda, silahkan ke: C>http://rantaunet.org/palanta-setting C>------------------------------------------------------------ C>Tata Tertib Palanta RantauNet: C>http://rantaunet.org/palanta-tatatertib C>____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________