Idza wussidal amru ila ghairi ahlihi, fantadhir al-sa'ah, sabda Nabi dalam salah satu haditsnya.
Manuruik ambo, demokrasi nan diajakan islam adolah demokrasi sistem perwakilan. Peran sahabat nan mambai'at itu adolah sabagai perwakilan. Para sahabat itu dianggap urang nan paliang tahu tentang calon nan diajukan. Bilo kato-kato bai'at indak tasabuik. Mako nan tapakai sangkek tu adolah urang nan ditunjuak dek khalifah sajo. Aratinyo, khalifah tu turun tamurun. Pamilihan presiden sacaro langsuang ko manuruik ambo, palaksanaannyo indak batua, doh. Sabok indak saluruh rakyat tahu ba-a bana urang nan dicalonkan. Iko adolah caro demokrasinyo urang nan bapitih banyak, kapitalis caro moderennyo. Dek bapitih banyak, tantu mudah nyo mambali suaro rakyat ketek tu jo sabungkuih nasi atau jo undian berhadiah. Nan syar'I dalam demokrasi ko adolah sasuai jo hadist nabi diateh. Demokrasi memang bararti kedaulatan rakyat, tapi sarahkan ka nan ahli. Standar ahli ko pun harus mangacu ka al-quran sabagai pedoman. Ciek lai, sanak Ridha, jan pulo manyabuik, ma-ambiak hukum ka sunnah rasulullah dek karano alah dikatokan dalam al-quran, baso Nabi kito tu indak pernah mambuek hukum. Apo nan dikarajokan nabi, marupokan pamahaman liau atas bimbingan Allah kapado al-quran. Cubolah pariso baliak, kalimat UUD-nyo al-quran jo sunnah rasulullah. Bilo al-quran alah lengkap manga pulo mako paralu ditampilkan sunnah rasulullah. Indak mungkin ta-icia ciek atau duo ayat dek tuhan sahinggo paralu disabuikkan dalam hadist. Tambah pulo ciek lai. Apo bana nan syar'I manuruik islam tu?. Kitab fiqh nan ambo baco babeda-beda pamahaman dalam banyak soal. Masalah keharaman babi sajo banyak nan babeda pandapek. Masalah bungo bank pun banyak nan basitagang pandapek. Ado ciek ayat dalam al-quran nan indak paralu urang santiang manjalehkan mukasuiknyo. Yaitu QS. 66:6. "... peliharalah dirimu dan keluargamu ..." Perintah itu langsuang untuak urang nan bariman. Nan paliang syar'I bagi ambo yaitu manarangkan ka banyak. Nan ma nan hak kito dan nan ma nan hak urang. Hak azazi kito dan hak urang lain. Kasalahan surang urang kapado Allah, dipertanggungjawabkan dimuko Allah. Sadangkan kasalahan kapado sasamo manusia kito patanggungjawabkan kapado nan basangkutan, didunia kalau bisa atau diakhirat nan tarakhir kali. Satuju? Wassalam YULMIZAR C>-----Original Message----- C>From: Ahmad Ridha [mailto:[EMAIL PROTECTED] C>Sent: 14 September 2004 13:50 C> C>Yulmizar writes: C> C>> Cubo lah caliak Arab Saudi. Antah dima asa muasalnyo makonyo klaim tanah C>> saudi tu punyo pihak kerajaan. Dima latak demokrasi nan diaja kan dalam C>> islam? Sampai kini lamak bana laloknyo dibawah katiak Amerika nan kito C>> kicekkan kapia sirah. Brunai ciek lai. Sampai kini dima ado urang tu nan C>> santing-santiang utaknyo? C> C>Hmmm, ambo yo sabana binguang. Bukannyo di Saudi tu ditagak-an syari'at C>Islam. Undang-undang dasarno Al-Qur'an jo Sunnah Rasulullah. Qishash jo C>hudud dijalankan. Manga lo ka dituka jo demokrasi nan sistem kapia? Indak C>ado Rasulullah jo para shahabatnyo radhiallah 'alaihum ajma'in mangaja-an C>demokrasi nan hanyo mamantiangan mayoritas. Apo ka diconto lo nagari eropa C>barat tu nan iyo demokratis bana. Ko urang banyak nio homoseksual C>diizinkannyo, ko urang banyak indak suko hijab dilarangnyo, bantuak itu kan C>hasil demokrasi. Cubo caliaklah contoh yang syar'i, Abu Bakar dibai'at dek C>urang baranam baru diikuik dek urang banyak, Umar ditunjuak dek Abu Bakar, C>Utsman dipiliah dek urang baranam. Indak ado mode-mode demokrasi kini tu do. C> C>Ambo di siko indak mangecek bahaso Saudi tu lah ideal. Justru memang C>kerajaan turun temurun indak sasuai jo Islam. Akan tetapi jan lo dituka dek C>sistem lain nan indak syar'i. Rasulullah memang lah mengecekan bahaso akan C>ado penguasa-penguasa yang indak sapanuahnya elok bahkan bangih ke rakyatnyo C>tapi awak disuruahnyo untuak mandanga jo ta'at asal indak dalam bermaksiat. C>Rasono kini ko Saudi nan paliang pantas disabuik nagari Islam dibandiang C>nagari-nagari lain. Kecek urang, duo tahun inyo di sinan jankan paho, wajah C>padusi se indak nampak. Cubo dicaliak di nagari awak ko. C> C>Ko dikecekan inyo di bawah katiak amerika, rasono memang iko cobaan nan C>barek bana. Saudi lah bausaho menurunkan jumlah militer amerika di sinan. C>Mangkonyo amerika pindah markasnyo ka Qatar. Semoga para penguasa negeri C>Islam bisa labiah manunjuak-an posisi tawar nan labiah tinggi. Kini ba'a C>Indonesia? Banyak industri nan milik urang kapia, hampia sagalo usaho kanai C>riba, ba'a ka maju? C> C>Nabi Shallallahu 'alaihi wa sallam bersabda: C> C>"Artinya : Jika kalian sibuk dengan perdagangan 'inah dan beternak hewan C>sapi serta bercocok tanam lalu meninggalkan jihad, maka Allah akan C>menguasakan atas kalian kehinaan dan tidak akan bisa terlepas dari C>(kehinaan) hingga kamu kembali kepada agama kalian" [Hadits Riwayat Abu C>Dawud] C> C>Hadits di ateh ko rasonyo cocok jo kaadaan awak kini ko jadi indak ka C>mungkin awak maju kok indak babaliak ka Islam. Saburuak-buruak urang Islam C>jauah labiah elok daripado urang kapia. Kok urang Islam nan buruak indak C>amuah menunaikan hak manusia lain, urang kapia indak amuah menunaikan hak C>Allah. C> C>Kok ado salah mohon dimaafkan. Sagalo kabaikan dari Allah sadang kesalahan C>datang dari ambo jo syaithan. C> C>Allahu a'lam. C> C>Wassalaamu 'alaikum warahmatullahi wabarakatuh, C> C>Ahmad Ridha ibn Zainal Arifin ibn Muhammad Hamim C>(l. 1980 M/1400 H) C> C> C>____________________________________________________ C> C>Berhenti/mengganti konfigurasi keanggotaan anda, silahkan ke: C>http://rantaunet.org/palanta-setting C>------------------------------------------------------------ C>Tata Tertib Palanta RantauNet: C>http://rantaunet.org/palanta-tatatertib C>____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
