Yulmizar writes:
Cubo lah caliak Arab Saudi. Antah dima asa muasalnyo makonyo klaim tanah saudi tu punyo pihak kerajaan. Dima latak demokrasi nan diaja kan dalam islam? Sampai kini lamak bana laloknyo dibawah katiak Amerika nan kito kicekkan kapia sirah. Brunai ciek lai. Sampai kini dima ado urang tu nan santing-santiang utaknyo?
Hmmm, ambo yo sabana binguang. Bukannyo di Saudi tu ditagak-an syari'at Islam. Undang-undang dasarno Al-Qur'an jo Sunnah Rasulullah. Qishash jo hudud dijalankan. Manga lo ka dituka jo demokrasi nan sistem kapia? Indak ado Rasulullah jo para shahabatnyo radhiallah 'alaihum ajma'in mangaja-an demokrasi nan hanyo mamantiangan mayoritas. Apo ka diconto lo nagari eropa barat tu nan iyo demokratis bana. Ko urang banyak nio homoseksual diizinkannyo, ko urang banyak indak suko hijab dilarangnyo, bantuak itu kan hasil demokrasi. Cubo caliaklah contoh yang syar'i, Abu Bakar dibai'at dek urang baranam baru diikuik dek urang banyak, Umar ditunjuak dek Abu Bakar, Utsman dipiliah dek urang baranam. Indak ado mode-mode demokrasi kini tu do.
Ambo di siko indak mangecek bahaso Saudi tu lah ideal. Justru memang kerajaan turun temurun indak sasuai jo Islam. Akan tetapi jan lo dituka dek sistem lain nan indak syar'i. Rasulullah memang lah mengecekan bahaso akan ado penguasa-penguasa yang indak sapanuahnya elok bahkan bangih ke rakyatnyo tapi awak disuruahnyo untuak mandanga jo ta'at asal indak dalam bermaksiat. Rasono kini ko Saudi nan paliang pantas disabuik nagari Islam dibandiang nagari-nagari lain. Kecek urang, duo tahun inyo di sinan jankan paho, wajah padusi se indak nampak. Cubo dicaliak di nagari awak ko.
Ko dikecekan inyo di bawah katiak amerika, rasono memang iko cobaan nan barek bana. Saudi lah bausaho menurunkan jumlah militer amerika di sinan. Mangkonyo amerika pindah markasnyo ka Qatar. Semoga para penguasa negeri Islam bisa labiah manunjuak-an posisi tawar nan labiah tinggi. Kini ba'a Indonesia? Banyak industri nan milik urang kapia, hampia sagalo usaho kanai riba, ba'a ka maju?
Nabi Shallallahu âalaihi wa sallam bersabda:
âArtinya : Jika kalian sibuk dengan perdagangan âinah dan beternak hewan sapi serta bercocok tanam lalu meninggalkan jihad, maka Allah akan menguasakan atas kalian kehinaan dan tidak akan bisa terlepas dari (kehinaan) hingga kamu kembali kepada agama kalianâ [Hadits Riwayat Abu Dawud]
Hadits di ateh ko rasonyo cocok jo kaadaan awak kini ko jadi indak ka mungkin awak maju kok indak babaliak ka Islam. Saburuak-buruak urang Islam jauah labiah elok daripado urang kapia. Kok urang Islam nan buruak indak amuah menunaikan hak manusia lain, urang kapia indak amuah menunaikan hak Allah.
Kok ado salah mohon dimaafkan. Sagalo kabaikan dari Allah sadang kesalahan datang dari ambo jo syaithan.
Allahu a'lam.
Wassalaamu 'alaikum warahmatullahi wabarakatuh,
Ahmad Ridha ibn Zainal Arifin ibn Muhammad Hamim (l. 1980 M/1400 H)
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
