Ola,
quizais haxa xente que non estea moi de acordo, pero xa hai alguén que
opina o mesmo ca min e por iso saco o tema antes de que se redacten as
novas, e se peche o horario da Trasnada.

Creo que incluír a redacción dunha guía de estilo nesta Trasnada é un erro.

Estou de acordo en que sería necesario redactar unha guía de estilo
actualizada e completa, pero creo que se podería organizar outra
reunión un mes despois desta trasnada para redactar o esqueleto da
guía e despois ila completando entre todos utilizando Google Docs,
Dropbox ou algo semellante. Ademais o máis probable é que de entrada
só faga falta que se reunan tres ou catro persoas para redactar a
primeira versión da guía que despois se podería ir retocando entre
todos.

Así teriamos unha Trasnada na que se realizaría a asemblea de Trasno e
na que poderiamos falar de temas puntuais de organización, e despois
centrarse o resto do día na discusión de terminoloxía, que a estas
alturas creo que aínda segue sendo o tema máis importante no que
respecta á calidade e coherencia das traducións.

Deica
_______________________________________________
Proxecto mailing list
Proxecto@trasno.net
http://listas.trasno.net/listinfo/proxecto

Responderlle a