2013/4/29 Xusto Rodriguez Rio <xusto.rodrig...@usc.es>:
> Ola,
>
> Quería saber se tedes algunha forma máis ou menos estandarizada para o
> símbolo # (number sign ou hash en
> inglés)<http://en.wikipedia.org/wiki/Number_sign> e para a tecla en que
> aparece en teclados de computador e de teléfono.
>
> Polo que puiden atopar por aí:
> - o Termigal recomenda "díese" (e "tecla díese") ou "cancelo" (e "tecla
> cancelo")
> - no SNL recomendamos "pulsador cadrado" (pero a tal recomendación figura
> nunha páxina antiga e agora mesmo non sei nin quén a propuxo nin en que
> argumentos se baseou para facelo).
>
> Por outra parte, a escolla de "díese" é conflitiva porque esa mesma
> denominación serve para un símbolo Unicode distinto, propio do ámbito
> musical (U+0023). Teriamos entón o mesmo nome para dous símbolos diferentes,
> cos problemas de ambigüidade que de aí se derivan.
>
> Resumindo: tedes resolto a nivel interno este problema?

Non.

A nivel persoal teño escoitado chamarlle de distintos xeitos:
«número», «almohadilla»,...

Se consultas no Trobador poderás ver que normalmente se deixa sen
traducir, aínda que algunhas veces se traduce («almohadilla»).

Non é que no Trobador estean moitas das memorias que hai en
http://www.trasno.net/trasno:memorias pero algo é algo. Habemos ter
que ver de incorporar esas memorias, aínda que é un traballo pesado xa
que hai que facelo unha a unha e creando antes os proxectos
correspondentes.

Por outra banda o Trobador non facilita filtrar os termos. Algo haberá
que facer nese campo, pero non dispoño de excesivo tempo nin Trobador
permite aínda devolver todos os resultados dunha busca de golpe.

Unha opción para o de filtrar os termos sería intentar crear un script
de busca, aínda que non me convence especialmente esta solución. Tamén
requiriría tempo. Polo de agora pódese empregar grep, o que indica que
hai máis de 650 aparicións de "hash" nos ficheiros TMX (o que
seguramente inclúa tamén traducións).


Deica

> Graciñas
>
> Xusto
_______________________________________________
Proxecto mailing list
Proxecto@trasno.net
http://listas.trasno.net/listinfo/proxecto

Responderlle a