| Waalaikumsalam w.w. Sanak Adyan dan para sanak sa palanta, Tarimo kasih ateh paratian Sanak. Sacaro pribadi ambo memang bapandapek Pilihan D ko nan paling masuak aka, dan sacaro teoretikal nan paling sasuai jo teori. Tapi mancaliak pangalaman salamo ko -- alah 170 tahun usia masalah ko -- nampaknyo sangaik sulik mawujudkannyo dalam kenyataan. Ambo juo batanyo-tanyo, baa mako sasulik itu bana malaksanakan hal nan paliang masuak aka ko, padohal kito alah manyatokan diri manganuik agamo Islam, tantu manuruik logika alah dengan sandirinyo manarimo limo Rukun Islam dan anam Rukun Iman nan manjadi rujukan dasar dari syarak tu. Lambek laun taraso dek ambo tantu ado kamungkinan adonyo faktor lain nan ikuik mampangaruahi [='intervening variable'] nan indak basifat agamo, tapi katokanlah -- misalnyo -- faktor struktur sosial manuruik adaik. Manuruik Prof von Benda-Beckmann suami isteri, urang Minangkabau memang hanyo mengenal struktur sosial berdasarkan adat sajo, nan tadiri dari buah paruik,kaum, suku, dan nagari, langkok jo pemangku adaik sakalian. Manuruik LKAAM Sumbar ado 68.000 urang pamangku adaik ko. Tantu indak mudah bagi baliau-baliau ko untuk baitu sajo malapehkan sacaro formal amanah nan baliau-baliau tarimo, apolagi kalau alah dilewakan di muko urang banyak pulo, dan alun ado pulo struktur sosial pangganti manuruik syarak. Kalau dilapehkan baitu sajo, bisa jadi 'sikucapang sikucapeh, sikua tabang sikua lapeh' bak kato pepatah. [Mungkin itu nan manyababkan manga reaksi taradok usaho untuak mambahas masalah iko hampia salalu baasa dari baliau-baliau nan 68.000 urang ko, walau tantu ado juo satu duo nan balainan pandapek. Jarang sakali ambo manamui kabaratan dari -- katokanlah -- anak kamanakan atau induak-induak]. Sacaro positif dapek kito simpulkan bahaso reaksi baliau-baliau baasa dari gadangnyo raso tangguang jawab, dan itu sabananyo kan rancak. Jadi, walaupun diakui bahaso pangaruah adaik tu makin lamo makin lamah -- saparati nampak dari judul buku Bp Amir M.S. Dt Mangguang nan Sati 'Masyarakat Adat Minangkabau Menuju Kehancuran' -- tapi karano indak ado alternatif lain, mako struktur tu tatap sajo balanjuik. Penghulu-penghulu baru tatap sajo dilewakan, baiak untuak sungguah-sungguah maurus anak kamanakan jo harato pusako ataupun untuak mukasuik lain, manjelang pilkada, misalnyo. Kalau baitu duduaknya pakaro, mungkin tantangan nan dihadoki urang awak adolah baa maagiah fungsi baru kapado 68.000 urang pamangku adaik ko, nan bana-bana labiah fungsional dalam zaman kini. Intinyo, limbago dalam struktur sosial badasar adaik Minang ko tatap kito paliharo, tapi supayo batua-batua bafungsi indak sakadar lambang sajo. Nampak dek ambo, nan alah batua-batua bapikia ka arah tu adolah panguruih Solok Saiyo Sakato (disingkek sabagai 'S3'), nan tadiri dari --antaro lain Bp Drs Firdaus Oemar Dt Maradjo, Muchlis Hamid, Upi Siti Sundari dan Bp Mayjen Pol (Pur) Drs Marwan Paris -- nan alah mangambangkan apo nan dinamokan 'manajemen suku'. Namun nan mangherankan ambo adolah, walaupun alah dimusyawarahkan -- kabatulan ambo ikuik hadir sabagai peminat -- dan alah disetujui dalam musayawarah, pelaksanaannyo dalam kenyataan sabana lambek. Aratinyo, mungkin sakali masalah ko sabananyo indak marupokan prioritas dalam masyarakat Minangkabau sandiri. Kini pak Gamawan -- mantan Bupati Solok -- alah turun tangan. Ambo jo sanang hati akan mambantu baliau sabagai salah surang anggota Tim Perumus. Sadar bahaso masalah ko sabana rumik, ambo sadang bapikia-pikia baa caronyo malanjuikkan rumusan ABS SBK nan sasuai jo kabutuhan zaman kito kini. Nan nampaknyo alah dapek sambutan kito nan aktif di RN ko adolah malalui rangkaian DIM dan mambuek DRAFT nan basifaik tabuka. Maju salangkah-salangkah. Wallahualam bissawab. Wassalam, Saafroedin Bahar (L, 70+6+23, Jakarta) 'Taqdir di tangan Allah, Nasib di tangan Manusia' 'Ya Allah, tunjukilah selalu aku jalan yang lurus dan Engkau ridhoi' ''Sebaik-baik manusia adalah yang bermanfaat bagi manusia lainnya' 'Mari berlomba berbuat kebaikan' 'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'. 'Setiap manusia adalah baik, sampai terbukti sebaliknya' 'Jangan pernah berhutang dan jangan mudah berpiutang' --- On Sat, 3/1/08, Adyan <[EMAIL PROTECTED]> wrote: From: Adyan <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
