2010/1/7 Miroslav Malovec <[email protected]> > Do mi pensas pri novuloj, precipe junuloj, kiuj lernas Esperanton > por facile komuniki kun aliaj junuloj, ili nature uzos diversajn > nuntempajn furorajxojn (superstar, hifi, wifi, spam, hoax, phishing, > hacker, casting, miss, online, ktp. ktp.) - cxu ni diru al ili, ke ili ne > rajtas tiel paroli en Esperanto aux ili prefere elektu alian internacian > lingvon? >
Nu, ni ne bezonas nur teorie supozi kion dirus junuloj, sed ni povas observi en realo... :) Ekzemple, mi jxus partoprenis novjaran renkontigxon JES en Zakopano, Polujo. Tie efektive okazis ia distra "superstar"-eca kantkonkurso; oni parolis pri "superstelo", ne pri "superstaro". En la JES-ejo interreto estis sendrate alirebla (mi ne memoras auxdi Esperantiston serioze diri "vifio", "uxajfajo" aux simile - "sendrata" sxajnas disvastigata kaj uzata laux mia sperto). Mi ne memoras iam ajn en mia vivo auxdi Esperantiston uzi jenajn vortojn: hifi, hoax, phishing, casting, miss (mi konfesas, ke mi ecx ne certas, pri kio temas "casting, miss" en la nuna kunteksto... (por angla "miss" mi pensas aux "frauxlino" aux "maltrafi", sed versxajne vi celas ian komputan aferon) do ili ne sxajnas ege gravaj vaste konataj necesaj vortoj. :) Aliflanke, mi fojfoje auxdis "online" de komencantoj aux homoj kiuj dumtempe forgesis Esperantan vorton kaj evidente sciis ke ili citas el la angla (do neniu esperantigas ekzemple "onlajna butikumado" aux "onlajna sxopingo" sed diras "mi sxatas 'online shopping'" aux simile, konstatanta ke ili citas ne pauxsas/esperantigas). Fojfoje mi renkontas "hakero", celatan kiel veran Esperantan vorton, kaj certe tre ofte "spamo" (kaj mi mem uzas gxin suficxe ofte ja). Do miasperte la plejmultego de tiaj esprimoj ja havas Esperantajn ekvivalentojn, kiujn multaj Esperantistoj (inkluzive junuloj) nature uzemas. Ja estas esceptoj (mi pensas cxefe pri "spamo" en via listo). Sed mia gxeneralaj spertoj kaj impresoj estas ke multaj aktivaj junaj Esperantistoj ofte volas ja esprimi tiajn ideojn en Esperanto, ja kredante je la esprimo povo jam en Esperanto, kaj ofte tre sukcese trovas solvojn, do ili ne nepre volas simple pauxsi/esperantigi el la anglaj vortoj. amike, russ
