> From: dudi herlianto > cek pamaca pangrasa pangdenge paningali kuring, panyatur-non-uubs asa > 'dileuleungit', asa disapirakeun ku panyatur > uubs. salila ieu aya tekanan sosial nu karasa ku maranehna dimana > ngaromong make basa nu teu lemes, malah kasar (cek > panyatur uubs). maranehna sok dianggap jalma dusun jauh ka bedug nu teu > ngahakan bangku sakola. dianggap garihal nepi > ka ceuli pongpet kudu dirorek.
Kang Dudi, umpama kitu terus salah saha? rek nyalahkeun urang babakan KUSnet nu teu pati panuju kana basa nu garihal TEUING dipake KUSnet? Millis teh eunteung tina kahirupan di alam nyata. Di Masyarakat urang Sunda, memang aya presepsi kitu. Coba nonton wayang sakali-sakali. Si Cepot, Dewala jeung Gareng ngaromongna garihal malah ayeuna geus make "TEUING", beda jeung para sinatria nu ngomong make basa lemes. Si Dalang, sadar atawa henteu, geus ngalakukeun diskriminasi sosial, cacah-kuricakan ngomongna garihal, ari para satria ngomongna lemes. Lamun nu kontra UUBS hayang ulah dianggap jalma dusun, teu ngahakan bangku sakola, mangga protes heula ka para Dalang, supaya leungit presepsi eta. Ngan cilakana, lain wae wayang nu ngalestarikeun "feodalismeu' teh, tapi oge nu modern. Nu ieu oge sarua wae, tingali we sinetron. Nu ngomong campur make basa daerah (Jawa atawa Sunda), biasana diposisikeun jalma kelas handap, sabangsa badega jeung jongos. Nu modern (well educated, beunghar) ngomongna bahasa Indonesia dicampur basa Inggris, nu diposisikeun deukeut jeung agama biasana pacampur jeung basa Arab. Sadar atawa henteu, sang sutradara geus nyieun kelas sosial, Brahmana, Ksatria ...jeung golongan Paria (cacah kuricakan) tina basa nu dipake .... Tah perkara kuring "katorekan ceuli", lain nanaon, tapi asa trauma, inget ka kawawuhan urang Cina, nu ngambek ka pagawena urang Sunda, make basa garihal, teu ngeunah kadengena:" Anjing Sia, Tai kahulu-hulu, belegug". Ngambekna dihareupeun kuring. Sanajan kuring ngamaklum urang CIna mah lamun make Basa Sunda teh garihal jeung pacampur kecap-kecap: "Anjing, sia, ...jrrd", tapi tetep ceuli kuring "teu bisa narima". Kuring ngagejlig indit, tepi ka Si Engkoh teh kaget, sabab kuring datang ka manehna teh, manehna keur perlu pisan kuring ...... Baktos, WALUYA
