--- Pada Kam, 8/1/09, M
Teu salawasna salah teh goreng, hoyong terang buktina ?
Sim kuring anu nembean diajar, satadina mah bade nepungan Bang Bahtiar ahli
Cekungan Bandung tea nu tos kasohor , manawi teh ieu alamat emailna, sim
kuring anu nuju diajar tea kumawantun hoyong curhat ka anjeuna, ari buktosna
gening seratan sim kuring nyasab ka komunitas urang sunda. Ah teu nanaon bade
sakantenan wae silaturahim sareng sadayana wadia balad komunitas urang sunda
sakuliah dunya, da sami sim kuring oge urang sunda.
Sim kuring asli urang sunda, kawit ti Padataran Garut Kidul anu katelah
Kandangwesi ayeuna mah Bungbulang tea, tempatna Ki Murtala, Aki Mursid,
sareng Si Ruyung Kawung dina carios serial Jaka Santang sareng Kujang
Rompangna.
Ti kawit kaluar SMP tos ngalalana ka luar ti Kandangwesi, malih mah kantos rada
lami di Bumi Serasan Sekate bagian ti Bumi Sriwijaya alias Sumatera Selatan tea.
Ti taun 1990 dugi ka ayeuna netep di Kabupaten Bandung, kirang langkung 10 Km
ti Pusat Kota ka palih Kidul Bandung, persisna mah di Katapang Soreang.
Tapi da ari ka lembur mah tara hilap, sakantenan wae bade tumaros aya kitu
urang kandangwesi anu gabung sareng komunitas urang sunda ? Salam kenal wae ka
sadayana, mudah-mudahan ngalangkungan media ieu urang tiasa shering, anu ahirna
tiasa nambihan pangalaman urang sadayana.
Cag ah, sakieu wae heula bilih cangkeul macana ! Ke kapayun urang sambung deui.
Wass Sim Kuring
Ki Muhdar Thea
___________________________________________________________________________
Yahoo! sekarang memiliki alamat Email baru.
Dapatkan nama yang selalu Anda inginkan di domain baru @ymail dan @rocketmail.
Cepat sebelum diambil orang lain!
http://mail.promotions.yahoo.com/newdomains/id/
