Mangga nyanggakeun kanggo cep Al-Kindi Doa ibu rama Panimang (Raden Machjar Angga Kusumadinata sarimbit) Anaking jungjunan kalbu ! Di doakeun siang wengi Asep teh sing panjang yuswa Salira masing walagri Jeung masing luhur darajat Sabar saleh suci galih ! Mugia sing panjang punjung Mulus bunglus lulus-luis Sing enggal ngageunganana Kasawat masing tarebih Sing damang salalamina Anu kasep ulah rungsing ! Mung Asep jaga geus jangkung Geuwat geura nyiar ‘ilmi Pangarti nu mangpa’at Anggoeun obor di lahir Jeung elmu pikeun acherat Kudu sungsi sing kaharti ! Sanajan urang jinungjung Luhur pangkat sugih-mukti Upama agama tuna Tinangtu urang balai Cilaka di acheratna Moal meunang rahmat Gusti Duh kasep jungjunan kalbu ! Didu’akeun siang wengi Asep teh sing narawangan Sing caang padang panggalih Mugia sapapanjangna Dipikawelas ku yang Widi ! Mepende Ayun-ambing (RMA Kusumadinata) Ayun ambimg, ayun ambing ! Ayun ambing lila nyaring ! Mana nyanding ku disanding ! Ayun puntang, ayun puntang ! Ayun puntang lila hudang ! Mana hudang ku diteang ! Ocon Ucang Angge Ucang-ucang angge Mulung muncang ka parangge Digogog ku anjing gede Anjing gede nu Mang Lebe Anjing leutik nu Ki Santri Ari gog, gog cungungung … Hapunten
