RE: [eibar] ordutegi libreen alde

[Amatiño]

Markosek behean aipatzen duen gai horren ildotik... dena da, noski, eztabaidagarri eta denden ordutegi kontu horretan zilegizko interes asko dago, baina baita argiegi esaten ez diren puntuak ere. Nik orain urtebete arte Industria, Merkataritza eta Turismo Sailean lan egiten nuenez:   1. Estatu espainiar guztian zehar Euskal Autonomia da Erkidego bakarra non igandeetan "ez den dendarik irekitzen". 2. Hau ez da erabat egia, ze, dendariak (handiak eta txikiak) bat ez datozenez gero, orain arte ez da batere arautegirik zehaztu, Jaurlaritzak agindu baitzien dendariei arautuko zuela "beraiek elkarrekin adosten zuten ordutegia" eta ez zuela batere arautuko "euren arteko adostasunik ez zegoen bitartean". Azken hiru urteotan adostasunik egon ez denez gero, ez da arautegi ofizialik izan eta bakoitzak egin ahal izan du (legez behintzat) nahiago izan duena. 3- Gezurra dirudien arren, adostasun falta honetan ez dira superfizie handiak erosoen sentitu direnak izan, senitarteko denda txiki-txikiak baino. Hau da, superfizie handiak ez dute ireki ahal izan (edo ez dira ausartu), sindikatuen presioaren beldur, baina langilerik gabeko denda familiarrek nahiago izan dutena egin ahal izan dute. Ondorioz, paradoxa gero, ireki nahi omen duten superfizie handiak itxita egon dira eta itxi nahi omen duten denda txiki familiarrak irekita. Nik behintzat Eibarren, Bergaran zein Deban igandero ireki ohi duten denda txikiak ezagutzen ditut. 4- Arautegirik ezak balio zezakeen aurretik kokaturik zeuden superfizie handiak sindikatuen beldur ziren bitartean, baina nahikoa litzateke superfizie berriren bat etortzea (IKEA edo dena delakoa) arautegi gabeko eta beldurpeko oreka hori hausteko. Hori dela eta, Jaurlaritza pentsatu zuen aukerarik txarrena arautegirik eza zela eta onena, berriz, minumuna (urteko zortzi igande) arautzea, gutxienez ordutegi ofizialen bat egon zedin. 5- Eta sindikatuak minumun honen kontra (arautzearen kontra beraz) atera dira, superfizie handien langileen mesedetan ari direlakoan (behar bada bai) baina langilerik gabeko denda txikiak nahi zutena egiten ari zirela salatu gabe. 6- Bilboko manifestazioari dagokionez, badirudi mundu guztia bat datorrela Jaurlaritzaren erabakiaren kontra, baina inork ez du esan CECOBI (Bizkaiko dendarien elkartea hain zuzen ere) alde dagoela. 7. Azken batean, badirudi (eta oker banago prest nago nere burua zuzentzeko), gertatu dena ez dela sektorearen manifestazioa, ezta sektoreko langileen manifestazioa ere, sindikatuen presentziari dagokion manifestazioa baizik. Eta ez dut nik esango manifestazio-mota hau zilegi ez denik. Baina bakoitzari berea. Amati�o ----Mensaje original----- De: [EMAIL PROTECTED] [mailto:[EMAIL PROTECTED]En nombre de markos zapiain Enviado el: domingo, 16 de enero de 2005 18:16 Para: Eibartarrak zerrenda Asunto: [eibar] ordutegi libreen alde Askoz ere anormalagoa da Igandean Anoetara zein San Mamesera joaten dena Max Centerrera joan nahi duena baino. Begien bistakoa den arren, sindikatuek ez dute txintik ere esaten.   Sindikatuek langileentzako  baldintza eta soldata egokiak lortzen ahalegindu behar lukete eta ez lanpostu berrien aukerak eragozten, beren ezina eta  porrota disimulatzeko erru alegiazkoak besteri garrasika leporatuz.   Langabetuak ez dira sindikatzen eta langabetuak dira ahulenak. Baina sindikatuek taldexkakeria eta klientelismoa babesten jarraitzen dute. LABeko eta ELAko militantea naiz aldi berean, eta lotsatuta nago.   Drogaren eta abortuaren zigor-gabetzearen aldekoek aldarrikatzen genuen legalizatzeak inor ez duela drogatzera edo abortatzera behartzen. Era berean, ez dugu zertan onartu erosketak noiz egin behar ditugun gure ordez eta gure onerako erabaki nahi dutenen gurasokeria.   Igandetan, menturaz, euskal ehiztariek mendia hustu eta saltoki tzarra beteko dute aurrerantzean. Eta, Jainkoa lagun, beharbada, egun eder batean, ehiztariz eta futbolzalez bete Max Centerren bat takateko zoragarri batek Saturno aldera bidaliko du.

_______________________________________________
Adi gero, mezuak bidaltzeko: eibartarrak@postaria.com

http://www.eibar.org/zerrenda

harpidetza eteteko: [EMAIL PROTECTED]