Garik: <Berriz ere Amatiño, ez ditut obra haundi hauek ulertzen. Lan handia <dago komunikazio arloan.
-- Seguru gero. Ez zeukat batere zalantzarik. Hori duk nere ardura oinarri-oinarrizkoa. Alegia, ni arduratzen nauena ez duk hire kontrako iritzia (iritzia iritzi, bakoitzak berea dik), hire informaziorik eza baino. Edo, hobeto esateko, hire informaziorik eza eragiten duan komunikaziorik eza. Baina, nonbait, honetan ere oso "euskaldunak" gaituk. Egin eta egin, ondo egitea aski balitz bezala. Pasaiko kasuan, Enekok aipatzen duan maketa eta guztiko proiektu hori orain dela hiru edo lau urte ikusi nian eta segurutik ikusterik nahi izan duten pasaitarrek izan ditek ikusteko aukera. Baina mundua (gure iritzi-mundua) ez duk Pasaian amaitzen. Bestetik, ni ere ez nauk obra handien zale. Eta, nik dakidanez, nere gainetik daudenak ere ez. Eta, Mutrikuko portuaren egitasmoa (ez nauk ahaztu) onartu zian alkatea ez duk jeltzalea. Kontua duk izugarrizko zorabioan bizi garela, Enekoren lagunaren adibidea kasu, eta beste horrenbeste zaborrak direla eta. Kontua duk nola oreka asmatu. Nola beharkizunei erantzun gehiegikeriarik gabe. Eta nola hiritarrei azaldu. Amatiño
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
