Wah pas visan nyontokeuna. Sok ka Sempur Kang? Abdi caket ti dinya.. Wassalam Abdul Qodir Jaelani
________________________________ Dari: Gunawan Yusuf <gunawanyusu...@gmail.com> Kepada: wongban...@yahoogroups.com; kisunda <kisunda@yahoogroups.com> Dikirim: Kamis, 5 Juli 2012 16:52 Judul: [kisunda] Re: [WongBanten] SAHA WAHABI ETA 1. Asy’ariyah, kuring teu patos uninga kana ieu istilah mung sigana leuwih condong ka islam tradisional di indonesia loba dianut ku urang nu, imam al Ghazali sanes pelpor islam tradisional samemehna oge seueur 2. Golongan islam tradisional oge nganggo alquran, hadits, autsar (ucapan sahabat), tabiin, taiin oge, teu kalangkung oge imam syafei, hanafi, jst, teu percanten mangga ngalongok ka sababaraha pasantremn tradisional di banten, sapertos cidahu (abuya dimyati) 3. sanes wae hadits anu jelas sanadna, oge guru ti para kiai eta anu jelas ka saha guguruna tur nepi ka kanjeng nabi, contona mama ajengan sempur purwakarta, guguru ka syaikh nawawi albantani, terus...ka luhur nepi ka sahabat jeung nabi, jadi sanes asal maca tina buku hungkul, dina pelajaran pasantren aya istial ijazah nyaeta legalitas ti guruna yen si murid tos tiasa ngajar salah sahiji kitab/hadits, mustahil si murid wani nyesatkeun komo deui ngapirkeun guruna 4. antawis tasawuf jeung filsafat beda kamana mendi, tasawuf mah islam, malihan ulamna salaf kaasup imam 4 oge sufi, teu perncanten ke, urang bahas saena pami bade ngabahas wahabi salafi. islam tradisional ulah kena ajaran margina bakal aya khilafiah alias pagetreng gentreng, mendingan dina sajarah wae 2012/7/5 Sp Saprudin <udari...@yahoo.co.id> > >Wahabi istilah sebutan jalma rea ka jumplukan Salafi. Tulisan ieu rek ngajelaskeun sacara ringkes saha Wahabi eta. >Noong ka ummat Islam Indonesia anu kiwari aya nyaeta Ahlussunnah wal Jamaah, kabagi dua jumplukkan, nyaeta : >1. Asy’ariyah anu dipolopori ku Imam al-Gazali, anu fahammna campur jeung tasawuf (filsafat) jeung make ta’wil. Ieu faham dianut ku mayoritas NU. >2. Salafiyah nyaeta qidah opat mazhab (Hanafi, Maliki, Syafi’I jeung Hambali) anu dikembangkeun ku Ibnu Taimiyah, Muhammad Abdul Wahab, Rasyid Ridha jeung lain-lain, anu henteu make ta’wil. >Salafiyah atawa faham Salaf nyaeta hiji kanyataan sajarah anu hirup jeung ngabeukah (berkembang) sampe ka kiwari. Faham ieu geus nyiliwuri jeung asup ka Indonesia. Faham Salaf anu aya di Indonesia disebut jumplukan Salafi Ahlussunah Wal Jamaah. Tulisan ieu sakadar nyampekeun ngenaan definisi Salafiyah, riwayat jeung parkembangananan kaitana jeung Imam-Imam Salaf sarta kaidah-kaidah anu dicekel. >Salafiyah nyaeta asal tina basa Arab, Salafa atau taqaddama wa sabaqa تقدم و سبق (karuhun/anu ti heula). Dina Lisanul ‘Arab, lafal As-Salaf eta hartina : Golongan anu tiheula…. Dina jero lalampahan hirup…..atawa dina umur, atawa dina kautamaan, atawa (tiheula) dina jero kapaehana. As-Salaf oge hartina laku lampah anu heula ti manusa. [1]. >Nurutkeun istilah, hartina Salafiyah nyaeta (faham anu) nyekel al Qur’an jeung As-Sunnah sabage sumber awal pikeun ilmu jeung amal, jeung nyekel pamahaman sahabat Nabi Saw. ngenaan eusi dua sumber eta, husuna dina masalah Aqidah. Anapon dina segi panerapan, mangka perjuangan jumplukan Salafiyah anu anyar kadang fokusna kana perlawanan fanatisme mazhab, jeung nyerukeun pikeun balik ka Al Qur’an jeung Assunnah [2]. >Harti Salafiyah sacara singket bisa dijentrekeun di handap ieu : >Salafiyah nyaeta gerakan anu nyoba ngahirupkeun deui ajaran kaum Salaf (Sahabat, Tabi’in, jeung Tabi’it Tabi’in) anu tujuanna sangkan Ummat Islam balik kana Al Qur’an jeung hadits sarta ninggalkeun ungkapan atawa pandapat ulama mazhab anu henteu ngabogaan dasar jeung sagala bid’ah anu nyiliwuri dijerona. Gerakan ieu dimucunghulkeun ku Ibnu Taimiyah (661-728 H/1263 – 1328 M) [3]. >Harti Salafiyah anu leuwih gamblang disebutkeun ku salah saurang panulis abad ieu nyaeta Muhammad Abdul Hadi Al-Mishri anu ngaku ngahaja nulis buku pikeun ngadiukkeun Manhaj jeung Aqidah Salaf. Manehna ngungkapkeun, Salaf nyaeta istilah pikeun Imam-imam tiheula ti tilu generasi awal anu diberkahi Allah, nyaeta generasi Sahabat, Tabi’in, Tabi’it Tabi’in. Sakumaha dawuhan Rasulallah Saw. ieu : >خير القرون قرني، ثم الذين يلونهم، ثم الذين يلونهم، ثم يجيء أقوام تسبق شهادة أحدهم يمينه، ويمينه شهادته. >“Saalus-alus generasi nyaeta generasi kuring, tuluy jalma-jalma saeunggeusna, tuluy jalma-jalma saeunggeusna (deui). Terus bakal dating jalma-jalma anu kasaksianna miheulaan sumpahna, jeung sumpahna miheulaan kasaksianna” (HR. Al Bukhari). >Hanca..................