Je 11/26/07, Harri: [...]
> Ni jam disponas bonajn literum-kontrolilojn por Esperanto. Ekz. en > UniRed de Yury eblas uzi tian. Mi sxatus havi programon, vaste > haveblan kaj utiligeblan, kiu kontrolus tekston por atentigi pri cxio, > kio ne konsistas el oficialaj radikoj. Kompreneble, oni povus pli > rafini la aferon por montri diversajn gradojn de oficialeco (F, 1oa, > 2oa ktp; aux sen diferencigi la oa-ojn) aux limigi gxin al la Baza > Radikaro Oficiala, aux ecx al iu el ties ofteco-kategorioj. Antaŭ kelkaj jaroj mi havis similan ideon, kaj mi iel realigis ĝin en mia literumilo por "ispell" (kiun ankaŭ UniRed uzas). Mi realigis ĝin en formo de du vortaroj: "eo" kaj "Esperanto". La unua entenas nur la radikojn kiujn mi opinias uzindaj; sekve ĝi plendas pri uzado de la radikoj kiujn mi opinias malutilaj kaj evitindaj. Ĉi tiun vortaron mi uzas en mia verkado. La dua estas utila kiam mi kontrolas skanaĵon, kiam mi bezonas kontroli la erarojn de aparato kaj devas akcepti tekston de alia aŭtoro tia kia ĝi estas verkita. Tian vortaron mi tenas kiel eble plej vasta. Ambaŭ vortarojn mi faras el unu sama fontaĵo, en kiu la radikoj estas markitaj per ilia klaso (post "#"): = cisa /AX #mav = febla /A #mav = getto /AO #mav Do, per speciala filtrilo eblas forfiltri la "mavajn" vortojn (aŭ vortojn zoologiajn, ktp). Tiujn principojn mi resumis en la dosiero "legu-min.l3", trovebla en la distribuaĵo. Jen kelkaj pecoj ĉi-rilataj: ------------------8<--------------- Por fari la kernon mi uzis la vortojn oficialajn, Fundamentajn kaj komunlingvajn el PIV (mi elŝutis ĝin el la Nederlanda FTP-ejo). Tio evidentiĝis ne tute taŭga, ĉar multaj oftaj vortoj, ekz-e agnoski elektrono generi grafiko ideologio (ĵus oficialigita, sed ankoraŭ neoficiala dumverkade) intonacio kodo (ĵus oficialigita) lasero mesaĝo (ĵus oficialigita) nocio ŝalti (ĵus oficialigita) taksio testo estas neoficialaj, dum inter la oficialaj abundas balasto kaj tre specialaj terminoj ĥemiaj, medicinaj kaj biologiaj, kiujn oni normale metus en specialajn vortarojn; ekz-e eminenca onobriko stofo Tiel en la vortaroj aperas danĝeraj paronimoj: cerambiko --- ceramiko preĝrado (por ebligi kontrolon de pli ofta "preĝado") enstaligi --- instali kok/eto --- koket(ulin)o morfio (izomorfio, homomorfio) --- morfino ktp. Mi provis forigi tiajn specialajn vortojn el la komuna kerno, sed tio estas ankoraŭ ne finfarita. Krome, mi ŝanĝis karakterizaĵojn de kelkaj vortoj: "Volonti" por mi estas verbo netransira; "Rajti" por mi ne formas pasivon (?rajtata...). -- Sergio
