Saleresna, budaya nyandung sanes kabiasaan urang Sunda wae, mangga toongan dina sajarah-sajarah bangsa deungeun. Tinggali bae kaisar-kaisar China, naha bangsa China asli, bangsa Manchu, bangsa Mongol, ti ngawitan kaisar dugika para pangagungna (menak-menakna) isterina seueur anu langkung ti hiji, sok sanaos istilahna benten benten, aya selir, garwa padmi, pramesuri, garwa anu, putri anu, sareng sajabina. Hal sapertos kitu teu kalangkung raja-raja di Korea, dugika danget ieu masih keneh seueur jalmi beunghar bangsa Korea gaduh isteri simpenan, margi undang-undang nagarana teu ngijinan lalaki Korea polygami. Saur cenah dibenua Afrika oge seueur kapala-kapala suku anu gaduh istri dugi ka puluhan malih ngaratus. Teu kakantun bangsa di Eropah, saha anu teu terang Napoleon, apan isteri resmina oge aya dua Maria Antoainette sareng Maria Pompadure (leres kitu nyeratna..?). Janten asana teu kedah ngekesek bangsa/etnis urang sorangan, dina perkawis nyandung-pernyandungan mah, margi etnis-etnis/bangsa-bangsa deungeun oge teu aya iwalna. Saha nu terang isuk atanapi pageto urang kapaksa kedah nyandung, sok sanaos alesanana anu benten-benten, bilih kasebat "tamiang meulit ka bitis". Pihatur ssw
http://cikundul3.multiply.com Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda
