--- In [email protected], Reksa Gantra <[EMAIL PROTECTED]> wrote: > > Dina paningal sim kuring mah, "lalaki Sunda tukang nyandung" teh > langkung mangrupi hiji stereotype manan hiji fakta nu akurat. Paling > heunteu, naha leres lalaki Sunda seueur nu ngawayuhna manan nu > heunteu?
Stereotype nu dijieun ku urang sunda sorangan Kang MGT? enya meureun. Ceuk kuring mah aya sikep ngadua ti urang sunda kana nyandung teh. Diantara satuju jeung henteu. Sabenerna aslina urang Sunda teh etnik nu monogamy, saluyu jeung budayana nu patani huma (peladang). Pamajikan keur patani sabenerna PATNER. Lalaki jeung awewe babarengan digawe di huma, teu aya nu dominan, nu hiji ngawasa nu sejenna. Pak Yakob Sumardjo, dina bukuna "Pantun Sunda", panjang lebar nyaritakeun ieu. Kapercayaan urang Sunda Buhun oge nunjukkeun yen alam Gaib teh dipimpin wanoja : Sunan Ambu di Kahyangan, Dewi Sri, dewi kasuburan tatanen. Dalah laut oge dikawasa ku wanoja Nyai Roro Kidul. Tah, kulnataran sifat dasar urang Sunda teh monogamy, pacampur jeung budaya luar nu polygami, urang Sunda teh jadi ngadua antara satuju jeung henteu. Ieu ditunjukkeun ku lobana kaheureuyan nu ditujukeun kanu nyandung. Kangjeng Dalem, ditambahan gelar jadi "sawidak", mucunghul lalaguan budak "tongtolang nangka", Lagu "sorban palid" nu sok disalenggorkeun. Stereotype Urang Sunda tukang nyandung oge, mungkin wae mucunghul tina sikep intropeksi diri nu asalna tina sikep dasar monogamy. Sagala kaheureuyan kanu nyandung moal aya, lamun urang sunda satuju 100% kana nyandung. Tapi sanajan kitu, cik ka baraya anu terang kahirupan sosial urang kanekes (Baduy), aya henteu budaya nyandung di urang Kanekes? Baktos, WALUYA
