Halow kang Maman G, kumaha damang? punten waktos manakiban teu kungsi nepangan.
ngiring mairan ( sok sanajan kakara maca buntutna wungkul...) dina tulisan di milis ieu perihal "Miteskeun Mitos Ngahuma" kuring manggihan masing-masing anu mairan boga tekad hayang ngagedurkeun rasa "gede hate" salaku US. ari cara pandang/titincakan beda mah biasa ceuk kuring mah, nu penting TUJUAN. (tujuan men..tujuan, proses/jalan mah nuturkeun, bisa di taratas he..he..). Tah keur ngahontal tujuan eta urang perlu Modal. Modal dasar US oge sakabeh jelema di jagat raya ieu sarua, sami. ( ieu teh beja ti babaturan kuring nu pang bageurna jeung pang bisa dipercayana. kuring boga kawajiban 5xsapoe badami jeung Manehna teh, ngan he..he...seseringna mah sok belang betong). Cenah aya seler anu "Maju", mundur, ngerem ngadadak he..he...nya eta mah saluyu jeung anu diusahakeunana. ceuk kuring mah seler mah ngan saukur "TJAP"/identitas supaya urang bisa ngukur/ngeunteung "tjap" mana anu "Maju" jst... coba ilikan ieu: IDE/PAMIKIRAN -> RARANCANG/PLAN -> PRAKNA/DO -> NGARIKSA/CONTROL -> EPALUASI/EVALUATION ->IDE/PAMIKIRAN kira-kira kitu lah pelajaran ti pa guru anu kukuring ka tewak. Jadi anu dipadungdengkeun ku urang masih dina undakan "PAMIKIRAN" ( kudu di lakonan undakan saterusna lamun hayang nepi atawa sahenteuna ngadeukeutan tujua n/ "Kamajuan" tea). Heug wae ari bekgrona he,he,, (kasangtukangna) mah rek make budaya, mitos, alam gaib, dukun lepus paraji sakti, jrrd. Da ceuk babaturan kuring deui lamun teu luyu jeung aturan-Na pasti/pasti pisan moal aya kamajuan. "> Ngahiji kanggo naon kang?" ceuk kuring pananya diluhur bisa ngandung harti : kapok ngahiji lantaran ngarasa euweuh gunana. (sok dibohongan, dihianatan kubabaturan sabeungkeutan) sebel ngahiji, lantaran ngan ukur dimangpaatkeun wungkul. hayang apal tegesna naon "TUJUAN" ngahiji? ngarasa can perlu ngahiji, kusorangan wae okeh lah! (ceuk si cepot tea mah), jrrd. ceuk kuring deui, perluna ngahiji kulantaran "teu bisa ku sorangan" (Kang Bilgates oge Uwa Bush oge sakitu jagona geuning perlu loba balad) Balik deui kana MItos Ngahuma, jrrd mitos2 lianna mangga wae pilih, saluyu teu jeung tujuan urang (US). (kumaha geuning sok aya tujuan anu didingding kelir?, ..ah eta mah biasa dinamika kahirupan. heug wae rek make kelir naon wae oge da engke na oge pasti katohyan. urang wae sing caringcing pageuh kancing ulah asal ngahiji kaditu kadieu padahal teu jelas tujuanana/jelas tapi teu konsisten/siga nu jelas padahal aya hurang mungkuy handapeun batu. he..he...dasar kahirupan.) kang Maman, MJ, oge wargi kusnet sadaya, tujuan kuring milu mairan ieu: 1.Urun rembug pamikiran "IDE" tea he..he.. 2.Diajar nulis, kabita ku MJ, Kang Maman, oge "Andrea Hirata". 3.Promosi/Pamer "Warung Buku Bolotot" di www.bolotot.com (tah ieu mah geus dina undakan "PRAKNA/DO", pang ngadoakeunnya sing lungsur-langsar) 4.....(sing ati2 pasti loba tujuan2 lianna he..he..) sakitu anu kapihatur, hampura bisa aya "langkung saur bahe carek" baktos soni www.bolotot.com ----- Original Message ----- From: Maman Gantra To: [email protected] Sent: Friday, December 28, 2007 12:55 AM Subject: Re: [Urang Sunda] Miteskeun Mitos Ngahuma --- In [email protected], mj <[EMAIL PROTECTED]> wrote: > > Ngahiji kanggo naon kang? Ngahiji tangtuna lain dina harti formal mangrupa organisasi -- sanajan aya pakaitna jeung oorganisasian oge. Maksud kuring, kumaha getih goib eta - mun tea mah aya - ngajirim? Contona: Kasus Batutulis baheula. Ku implengan kuring, basa aya gempungan di Kebon Raya, urang Sunda (omat urang sunda di dieu lain dina harti Kusnet, tapi bangsa Sunda umumna) bakal metet di eta acara. Buktina? Ku taksiran, teu nepi ka sarebu! Naha, kasus eta teu bisa noel kasadaran urang Sunda salaku hiji komunitas? Teu bisa ngajirimkeun getih goib tadi? (Kalah kuring bae kawiwirangan, kuram- kireum, basa taun hareupna, ditanya ku Adhi Massardi: Kabagean sabaraha? Singhoreng, sawatara kolot urang - ceuk Adhi - narima duit ti Said Agil. Rek nanyakeun langsung ka Said Agil poho bae. Padahal, ayeuna, pan, anjeunna jadi tatangga kuring? Di Penjara Salemba, kari leumpang ka wetankeun ti imah). Sanajan cawerangna urang Sunda dina gempungan eta bisa dijawab ku asumsi-asumsi atawa analisis nu leuwih optimistis - ti mimiti nu sipatna praktis-pragmatis (kaweur ku gawe atawa sakola, atawa teu boga ongkos pisan, nepi ka teu bisa datang ka eta gempungan), nepi ka nu sipatna ideologis (lain teu ngarasa urang Sunda, tapi keur nanahaon nguruskeun "arca" titinggal jahiliyah?) - keur kuring mah sababna ngan hiji: Taya lian ti artefak budaya huma eta (nu dina hal ieu paaing-aing atawa teu paduli ka nu lian, "teu nanaon ku naon- naon", "sahumana-sahumana", "sapipina-sapipina") nu nyangkaruk dina DNA urang Sunda. Pon kitu deui perkara teu bisa ngahijina mayoritas elite-elite jeung organisasi nu nyampak. Sakali deui, lain kudu diwadahan ku organisasi tunggal. (Jeung omat: elite. Sanajan masih nganggap kasadaran jeung kaparigelan urang dina oorganisasian masih kurang, da boga "warisan" ngahuma tea, kuring teu ngawawaas kumna urang Sunda jadi aktivis organisasi). Atawa saragamna pamadegan. Tapi, aya heunteu kasadaran keur ngagarap isu nu sarua, nu kira-kira bisa ngawujudkeun getih goib eta, nu sipatna positif? (Sanajan, engke, cara ngalarapkeunnana beda-beda). Aya heunteu forum komunikasi antar organisasi ka-Sunda-an nu digarap leuwih daria? Karuhan, aya heunteu usaha-usaha nu leuwih daria dina ngaraeh sora-sora ti somah atawa ti organisasi-organisasi nu leuwih leutik atawa nu masih lelengkah halu mah? Sakanyaho kuring mah meh euweuh. Mun urang nyieun gempungan ka- Sunda-an, sanajan dialpukahan ku "aktor-aktor" anyar, format atawa pamilonna balik deui ka eta deui ka eta deui. Sabalikna, komunitas anyar ge siga nu kurung batok, atawa cadu pisan kadar silaturahmi jeung komunitas lian,naha nu sarua anyar atawa nu geus leuwih lila makalangan - nu kadituna, bisa ngawangun hiji sinergi. Pangalaman lian: Sawatara waktu ka tukang, kuring "aktif" di hiji komunitas Sunda. Aranjeunna ngadaramel yayasan - nu keur kuring jeung sawatara batur lianna, pikeun ngawadahan aktivitas eta komunitas. Teu ku hanteu, lajuna eta yayasan rada ngeyeted. Aya ari ayana mah kagiatan. Ngan nyakitu, keur kuring, kurang nyugemakeun. Lain bae kagiatan nu aya "kurang konseptual", tapi nya ukur ngagugulung nu aya. Teu ngawadahan aspirasi lain nu nyampak di eta komunitas. Nu jadi faktor dominan, nya DNA budaya huma eta: Antara pangurus jeung anggota komunitas lianna, nu ngarasa teu kawadahan aspirasina, pakeukeuh-keukeuh. Itu embung, ieu teu daek. Padahal, ti jihad pangurus, ceuk kuring, tinggal nyieun SK atawa wadah keur eta aspirasi. Ti pihak "oposisi", tinggal nyederhanakeun kagiatannana atawa tuntutannana. Batu turun keusik naek. Antukna mah... teuing. Da, kuring geus teu di dinya. Bari, sirikna, "dimarusuhan" ku duaanana. Dianggap plinplan. Ngan, nu nongtoreng dina ceuli nepi ka kiwari, kasauran aranjeunna -- boh ti "oposan" oge pangurus, nu intina: "Sabar, Jang. Urang mah turunan jalma huma, sok pakeukeuh-keukeuh". Atawa, disimbutan ku "beda visi", nu keur kuring kadar alesan pikeun misah ti nu geus aya. Tah, ningali kitu, lian ti sok jadi paneumbleuhan ("da urang mah urang huma"), oge teu matak jadi mangpaat, nya urang piteskeun bae eta mitos teh. Karah "mepende" jeung jadi paneumbleuhan, justifikasi tina katuna urang pikeun "ngahiji". (Kaasup "mitos" posmodern oge "sugema mah aya na pikiran", siga ceuk tadi, kudu dikritisi. Mun lain dipiteskeun oge). Dina konteks komunikasi massa, pakait jeung tulisan MJ hususna, kahayang kuring (tuh, pan, geus nafsu deui bae nu digugulung teh? Kahayang....), isu eta mah tong disebut-sebut. Malah, alusna, apungkeun isu-isu nu bisa miteskeun mitos eta. Kumaha urang bisa "ngahiji" tadi. (Nya, di dieu relevansina ajakan nu disodorkeun ku Kang Tirta - meureun. Ku ngapungkeun isu budaya basisir, misalna). Kumaha getih teh teu ukur goib. Tapi, natrat dina hirup nyata - paling heunteu, nu tadi, di tingkat elite-elit Sunda sorangan atawa leuwih leutik deui: Di antara elite-elite organisasi nu aya. Boa-boa, getih goib teh ukur mitos deui bae? Ukur aku-akuan bae? Deui-deui kadar ngupahan maneh, muji maneh, atawa mepende hate? Kitu, meureun, mun dibejer beaskeun mah, MJ - oge nu lianna, nu kabeneran molototan ieu pangacaprukan. Hampura pisan, mun euweuh nu anyar dina komentar atas komentar atas komentar ieu. Oge, hampura, mun kuring masih siga nu nyiduh ka langit - bari masih dihieuman ku modernisme, malah siga nu ngahucuhkeun developmentalisme pisan. Bongan, dina panoong kuring, nya perkara ieu nu jadi salahsahiji pasoalan urang teh - kritis kana adat suradat umumna, miteskeun mitos ngahuma hususna. Omat, dina konteks huhumaan, lain pedah kuring teu kaajakan atawa hayang diajakan. Lain. Keur sakuringeun, geus sugema lamun elite-elite Sunda nu aya, atawa elite-elite dina hiji organisasi ka-Sunda-an "ngahiji" - nepi ka wacana nu mucunghul teh lain alatan "asa ditinggalkeun", tapi memang obyektif, pasoalan nu leuwih subtantif. Kuring sorangan, siga salila ieu, cukup aya di luar eta -- rumasa pan kuring mah teu satigin nu lian dina su-Sunda- an teh. Ongkoh kuring mah hayang nurutan MJ: Sugema mah aya dina pikiran, teu nanaon ku nanaon. Hehehe... Cag heula, ah. Bisa tambah panjang ngacaprukna. Eh, Epigram-na can maca, euy. Kungsi meuli, ngan dibikeun ka budak Lampung jeung budak Balikpapan. (Lain dibikeun, ketang. Dipenta. Da nu mentana awewe, budak SMA jeung guru SMP, nya dibikeun). Hampura oge, "resensi" Rakaustriana-na teu kapuluk pisan. Iraha-iraha urang jieun deui. Ngan, intina, salah sahiji pamanggih kuring - nu, biasa, nyanyahoanan: Bahan alus (sajarah jeung mitos-mitos nu nyampak di urang, utamana Ciamis, nu "geueuman" jeung memang boga sajarah jeung posisi khusus dina sajarah Sunda), cara ngolah (di antarana, nu kuring inget, bagian Mang Kaning ngabelesat ti Cihideung ka Tangkuban Parahu) kurang alus. Ku paningal kuring, iklim surealistikna bisa ditingkatkeun deui. Komo, mun kaweruh filsafat di dinya dibarungan ku basa jeung sikep nu leuwih "seurieus" mah - tong "pragmatis" teuing. Wani gelo siga Nietszche. Bisa postmo abis, bari nedunan standar-standar lirisisme jeung kaparigelan basa jalma- jalma kawas Goenawan. Tapi, kitu ge meureun. Rumasa lain manukna jeung teu suhud nitenan sastra - sakumaha kahirupan lianna. Ka Mas Bambang, hampura kituh ngaji Chopra-na teu diteruskeun. Kaburu beak bekelna.
