Haturan Kang Gibson, oge baraya sadaya.. Ti kuring saeutik bae lah, Nu kahiji: urang salaku urang sunda, ayeuna jeung kahareup butuh forum kumunikasi keur ngamajukeun sagala aspek kahirupan anu dibungkus ku buyada sunda. Urang sunda ku alesan rasional atawa emosional aub dina milis-milis kasundaan ieu tangtuna boga niat atawa hareupan masing-masing. Pekawis milis Kisunda, Urang Sunda, Baraya Sunda, Gang Leboy, malih aya sababaraha milis alit anu sifatna forum komunikasi kapanitiaan, seueur anggotana sami tapi upami ditengetan tangtos anu diwadulkeun rada benten ieu panginten anu matak eta milis eksistensina tetep rame sareng dipiara ku masing-masing komunitas anu notabene anggotana eta-eta keneh, siga aya etika atawa konsensus jejer-jejer "tertentu" henteu diposting ka sadaya milis terafiliasi tapi aya oge anu sok diposting ka sadayana. Mangga bae eta mah kumaha selera masing-masing anggota, ari kuring pribadi mah ngan miluan Kisunda jeung Urang Sunda bae, di Gang Leboy mah sok aya NUY-na ari Baraya Sunda mah asana ampir sami sareng Urang Sunda, postingna seueur pisan. Aya oge milis Kisunda mah pan terapiliasi sareng web. sundanet dot com anu langkung ti payun aya, benten sareng urangsunda dot net minanggka kristalisasi ti milis urangsunda, aya deui minangka 'perwujudan' dari alam maya ke alam nyata nyaeta yayasan perceka. Hapunten kuring mah sanes kuncen, ngan saukur lauk buruk milu mijah.
Nu kadua: Perkara pacogregan, ceuk kuring salila manusa hirup jeung bersosialisasi mah pacogregan pasti aya, rek di alam maya kitu deui di alam nyata, eta mah kumaha dirina masing-masing dina ngokolakeun emosi sabab upama urangana bisa wijaksana tangtu loba hikmah anu ka ala, conto nyatana mah aya meunang jodo, bisnis, meunang duduluran, organisasi anu pasti sakabehna mangrupa anggota hiji komuitas anu mawa katemtreman kana hate. Ari harepan kuring mah, dina 10 taun nepi ka 20 taun ka harep diurang kudu aya hiji lembaga swadaya anu ngajaga tur ngariksa sagala sumber kahirupan urang sunda atawa budaya sunda. Carana: Dina tahap awal jiga ayeuna, sakumna urang sunda kudu aya komunikasi/ silaturahmi/ networking/ wadah anu bisa jadi cukang lantaran keur ngawujudkeun eta lembaga. Ceuk kuring deui, milis mangrupa salah sahiji form kumuniikasi anu efektif jeung cocok keur urang sunda anu paburencay. Hampura kuring! wassalam, dudi_ss ----- Original Message ----- From: "Kuncen Cimanuk" <[EMAIL PROTECTED]> To: <[email protected]> Sent: Saturday, February 16, 2008 11:08 PM Subject: [Urang Sunda] Tumanya Ngeunaan KUSNET > Sampurasun.... > Sateuacanna kuring ngedalkeun pamaksudan anu utama, nyaritakeun > naon-naon anu dikemu na angen-angen, tiheula sim kuring seja brukbrak > yĕn sim kuring geus rada lila teu aktif di milis kasundaan, boh milis > Urang Sunda, Ki Sunda, nya kitu ogĕ Baraya Sunda, kaasup Gank > Lĕboy. > Kusabab kitu kanyaho kuring ngeunaan: naon ari kusnĕt (lian ti > kapanjanganana nyaeta Komunitas Urang Sunda di Internĕt), kasang > tukang, perjalanan sareng sagala hal anu aya patula-patalina jeung > milis kasundaan, kuring teu apal. > > Kusabab kitu, boh bilih naon-naon anu dikedalkeun ku simkuring teu > merenah tur lain dina tempatna, tipayun sim kuring sejak mĕta > pangampura ka balarĕa, khususna ka para inohong KUSNĕT (duka > saha-sahana mah). Geus lila sabenerna mah ieu pasualan teh ngancik > dina pikiran kuring, tatapi teu dianggap penting pikeun dipersoalkeun. > Tatpi kiwari, ku acayana pabĕntar paham antara sababaraha pihak > ngeunaan hal ieu, sim kuring jadi nganggap perlu hal ieu diadurenyomkeun. > > Maksud sim kuring, nyaĕta seja tumanya ngenaan: > > 1) Upami KUSNĔT sacara harfiah nyaeta wancikan tina KOMUNITAS URANG > SUNDA DI INTERNĕT naha sadaya situs umum (web, portal, forum, milis > jrrd), anu diwangun kalayan wanda kasundaan tur dijieun pikeun umumna > masyarakat Sunda (US) sarta ngemu tujuan pikeun kamajuan jeung > kamekaran Ki SUNDA, naha eta situs sareng milis teh tiasa disebut > KUSNĔT? > 2) Sim kuring salami ieu (duka salah benerna mah) nganggap milis Urang > Sunda, Ki Sunda, Baraya Sunda, kaasup Gank Leboy, kitu oge web > urangsunda jeung anu lianna anu sajenis, taya lian ti varian tina anu > disebut KUSNĔT. Naha pikiran sim kuring teh salah atawa hanteu? > 3) Sim kuring nengetan dina sababaraha lalayang (posting) di milis > urangsunda, sim kuring tepi kana kacindekan yen KUSNĔT teh mangrupa > "label" (tetelahan, lalandian, ngaran) anu jadi "milik" resmi web > www.urangsunda.net ? Hal ieu sigana anu janten kasang tukang yen web > anu ngangge label KUSNĔT, kedah aya disahandapeun (afiliasi) > www.urangsunda.net atawa milis > http://groups.yahoo.com/group/urangsunda/. Naha kacindekan kuring teh > salah atawa hanteu? > 4) Pikiran dina patalekan-patalekan di luhur, bisa mawa kana > kacindekan yĕn: milis jeung ramat-loka umum anu pamilonna urang Sunda > sarta eusi tur tujuanana madungdengkeun masalah-masalah kasundaan > samodĕl Ki Sunda, oge Baraya Sunda jeung anu lianna, kudu jadi > afiliasi jeung varian tina KUSNĔT anu wujud resmina nyaeta > www.urangsunda.net. Naha kacindekan kitu tĕh bisa dibenerkeun atawa > hanteu? > > Lamun kapandang kuring di luhur bener, kuring rada hariwang bakal aya > masalah anu leuwih rongkah batan anu ayeuna dipasualkeun di milis > urangsunda. Anu bakal ngarasa kasigeung lain ngan saukur forum anu > dijieun ku Mang Maya (?) tatapi sakumna milis lianna anu sajenis, > khususna para kuncenna jeung anu ngarintisna; da ari pamilonna mah > geuning lolobana mah eta-eta keneh. > > Sakitu heula ti sim kuring anu laif pangarti, taya pangabisa tur jauh > ka bisa disebut wijaksana. > > Baktos Kuring > > KGB ----- > >
