Amatiñok: >Nor jabetzen da legeak ez betetzearen erantzukizunaz? Nora garamatza horrek?"
Asierrek >Galdera gatxa. Ez jakat erantzunik. Heuk bai? ------------------------------------- Batetik, galdera erretorikoa dok. Bestetik, ia ahalik eta laburren zer esangura doten argitzerik dakaten. Gizartian daguan hainbat eztabaidaren muna "seguridade juridikua" dok. Zornotzako zentralian kasuan, esaterako, sakon-sakonian zeguan arazua horixe zuan. Udalak lur industriala ipini juan enpresak bertaratzeko. Enpresa batek lurra erosi eta legiak eskatzen zittuan baldintzak bete ostian, argindarra egitteko taillerra (zentrala) ipini nahi izan juan. Baiña herri-talde bat kontra jarri zuan. Herrixak bere eskubidiak jakaz, baiña enpresak be bai. Eta, Zornotzan, enpresiak legiak eskatutako baldintza guztiak betetzen jittuan. Edonork erosi lajeikek gutako edozeinen peora ondoko lokala eta tintorerixia, tanatorixua edo putetxia jarri. Etxebarrukoak bilduko dittuk, erabagi ahal izango juek ezetz, baiña enpresa horrek legiak eskatzen detsazen arau guztiak betetzen bajittuk, alperrik. Etxeberrukuok eskubidiak jakez, baiña lokalan jabiak be bai. Ez dok izango popularra, baiña Udalak ezin izango jok ezer egin. Sasiola ixtiaren ale daozenak euren iritxixa eta eskubidiak jakez, baiña bertako harrobiko ugazabak be bai. Eta interes kontrajarrixen trafikua gidatzeko Legebiltzarrak lege-markuak erabagitzen jittuk eta Gobernuak ezarri, bete eragin. Horrez gaiñera, gizartian eskuartzia bideratzeko, jendiak alegaziñuak egin lajeikiazak, denporaz eta epe-barruan. Ez gero. Eztabaida horretan balore absoluto bakarra legia bete biharra dok, beste modu batian esanda "seguridade juridikua". Enpresian helburu ekonomikua zilegi dok, bertako bihargiñen lan-eskubidia zilegi dan moduan, baiña ez dittuk balore absolutuak, ezin juek nahi dabena egin. Eta ondarian defentsa be zilegi dok, balore preziatua dok, baiña ez dok balore absolutua. Arazua sortzen dok enpresak bere jardunbidia ezinbestekotzat jotzen dabenian eta ondare-defenditzailiak jarduten dabenian eurak defenditzen daben baloria baiño ez balego moduan. Baiña, bakoitzan balorien gaiñetik, bixak jakek obligaziño berbera: legia bete. Demokrazia ez dok momentu bakoitzian maiorixiak diñuana egittia, danok eskubide bardiñak izan daiguzen aldez aurretik markua danon artian erabagitzia baiño. Gertatzen dok, baiña, zenbaiti entzunezkero harrobia negozio zikiña, interesatua, maltzurra eta ez jakixat zenbat gauza txar gehixago dala. Eta ondarian defentsia, ostera, garbixa, kulturala, espirituala, interes bakua eta aingerutiarra. Ez jakixat. Holan izango dok. Eta ni bat etorri najeikek. Baiña, onenian be, horrek baloraziñuok moralak dittuk, ez legalak. Eta gero, beste kontu bat dok, balore kulturalen defentsa absolutua egittia, ez balore kulturalak defenditzeagaittik, indarrian daguan sistemian seguridade juridikua kilikolo jartziagaittik baiño. Nik bajakixat (ez dok susmo hutsa) helburu hau be badaguala euskal gatazka askotan baiña aldi berian esan be esan bihar juat ez dotela uste eztabaidagune honetan holakorik daguanik. Amatiño _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
