"Nyiru tuh tenjo, gunung Salak geus kajeueung, tuh tenjo gawir gunung jiga longsor eta meureun tapak Sukhoi nenggar gunung" Kian Santang noroweco bakating ku bungah hayang geura katimuan jeung kolotna nyaeta Prabu Siliwangi. Nyiru kakalayangan di luhureun tanah Pajajaran neangan tempat anu lemprah deukeut Bale Karajaan pikeun landing, ja harita tanah Pajajaran loba tangkal kaung anu narangtung anjreg. Kiwari anu keteulah Bogor tea, ceuk pinutur kolot ngaran "Bogor" nyokot tina kecap tunggul kaung, jadi tunggul kaung hartina "Bogor/Pogor". Geus manggih tempat anu lemprah kakarak eta Nyiru ngahandapan enteup di tempat anu lemprah. Kian Santang turun dina nyiru, moro ka Bale Karajaan anu mana harita kolotna aya dijero. Pas hareupeun panto gerbang Kian Santang uluk salam " السلام عليكم ................. السلام عليكم" anu di jero murudul kalaluar ngadenge sora Kian Santang. Harita indungna anu pangheulana nyamperkeun terus ngagabrug Kiang Santang "Anaking anak ema, jago, jimat.... kamana bae leuleumpangan (lalampahan), ema teu weleh-weleh nyambat Sang Hiyang Widi sangkan anak ema dipaparinan kasalametan jeung kasehatan". Teu lila Prabu Siliwangi "Wah anak abah lampar lalampahana, sakebel ieu euweuh beja ti kaler, ti kidul, ti wetan aya dimana cicingna, ja geuning mun Gusti Hyang Widi ngaraksa ka makhluq-Na, ja singhoreng morojol sorangan, he..he.. kadieu anaking anak abah" terus ngarangkul Kian Santang. Ceuk Kian Santang "الحمد لله رب العالمين " ieu teh Allah Swt. anu geus ngaraksa abdi". Ngadenge ucapan anu rada aneh anakna, eta kolotna mencrong bari ngomong "Ari maneh ngomong naon, saha Allah teh". Ceuk Kian Santang "Bah jeung Ema, hartina الحمد لله رب العالمين teh nyaeta Sagala Puji Kangge Allah, Pangeran Murbeng Alam. Allah anu ngaraksa alam dunya ieu, anu ngaraksa sakabeh makhluq anu hirup di alam dunya kaasup tatangkalan, jukut, sampe ka sireum anu leutik eta henteu luput dina pangawasaan Allah". Eta kadua kolotna bingung "Santang, santang, basa maneh iheng Abah jeung Ema mah, sugan maneh kaliwara ku jurig jarian atawa jurig gunung salak, sok disembor heula kucai" terus Prabu Siliwangi nyiduk cai ku gayung ina gentong gede terus dicicikeun kana cangkok (muk/gelas) geus kitu kunyam kenyom mapatkeun jampe harupat rek ngubaran Kian Santang, ja pikiran kolotna Kian Santang kasantab ku jurig. Nempo kolotna kitu, Kian Santang nolak bari ngomong Bah, Ema "يا الله اغفر لنا إستغفار " Bah, Ema ucapkeun ieu kalimah "أشهد أن لا إله إلا الله وأشهد أن محمدا رسول الله ". Terus ceuk Prabu Siliwangi "Waduh ieu budak bener kasantab jurig, omongan geus teu kaharti" leungeun nyekel cangkok terus caina diuyup geus kitu diburakeun kana beunget Kian Santang bruuuuuuuuuuuuus bari ngabentak "Haling dia jurig, tong ngaganggu anak aing, saha dia anu asup kana awak anak aing!!!" Eta Kian Santang dibura ku kolotna kalah ngagakgak (ngabarakatak) seuri bari ngomong "Bah eta caina bau jengkol, abah tos dahar jengkol nya?" Hanca............. _.___ Reply to sender | Reply to group | Reply via web post | Start a New Topic Messages in this topic (19) Recent Activity: * New Members 2 Visit Your Group Switch to: Text-Only, Daily Digest • Unsubscribe • Terms of Use .
