Singket carita Kian Santang geus dibekelan elmu agama ku Saidina Ali saterusna dina bulan Zulhijah Kian Santang ngalaksanakeun haji. Beres tolab elmu jeung haji, Kian Santang menta idin ka Saidina Ali arek balik deui ka tanah Pajajaran. "Kangjeng Saidina Ali, kula geus narima elmu syariat agama, mudah-mudahan ieu elmu agama anu geus ku kula ditarima Allah ridha, jeung sing aya manfaatna pikeun kula sorangan jeung jalma balarea, ayeuna kula arek balik deui ka Pajajaran, geus lila teu panggih dahar kejo beureum, meureun ambu jeung abah di imah nungguan kula. Ngadenge omongan kitu ti Kian Santang, Saidina Ali ngomong : "Syukur Alhamdulillah, kami ngidinan kumaneh balik deui ka Pajajaran, omat ulah poho kanu geus diajarkeun ku kami ka kumaneh, pake jeung regepkeun sarta buktikeun dina laku lampah sapopoe sangkan sajalan, saluyu, sauyunan antara ucapan jeung paripolah. Awas ulah poho mun aya dulur-dulur di tanah Pajajaran hayang asup Islam sanggeus ngucapkeun dua kalimah sahadat "أشهد أن لا إله إلا الله وأشهد أن محمدا رسول الله " laju kudu disunatan. Singhade nyunatanana, piceun kulit tungtungna, ulah dibeakkeun. Ayeuna jiga geura indit ka tanah Pajajaran, kami ngado'akeun sing salamet di jalan jeung sampe ka imah". Laju Kian Santang kaluar imah, geus di luar imah maneh rurat-reret ka gigireun imah neangan nyiru anu digantungkeun di gigireun imah, terus maneh nyokot nyiru, eta nyiru ditembrakeun terus maneh diuk di luhur nyiru, geus kitu nyiru hiber ka awang-awang tarik pisan "SIUUUUUUUUUUUUUUUUUUUUUUUUUUUUUUUUUUUUUUUUUUUUT!!!" Hanca..........
