Wilhelm Luttermann wrote:
> 
> 
> Je Vendredo 08 Februaro 2008 03:29:12 Sergio Pokrovskij skribis:
>  > Vi tamen ne respondis, kial ineco estas esenca en fratino, kaj
>  > senrilata en "amikino". Por mi estas plena analogio: la kontrasto
>  > inter fratino kaj frato estas tia sama, kiel la kontrasto inter
>  > amikino kaj amiko.
> 
> - Tamen: mi povas, lau mi, diri "shi estas mia amiko", sed ne: "shi 
> estas mia
> frato".
> Vilhelmo Lutermano.
> -- 

Por mi, la analogio ne estas plena, cxar ni traktas nek la pluralojn 
(multnombrajn vortojn) nek la adjektivojn (a-vortojn) same.

Multnombro: Amiko kaj amikino kune estas amikoj - sxajnas al mi ke la 
plejparto da esperantistoj ne sentas bezonon diri ke ili estas geamikoj. 
Sed cxiu esperantisto sentas la bezonon diri ke frato kaj fratino kune 
estas gefratoj - neniam nur fratoj.

A-vorto: Simile, sxajnas al mi ke la plejparto da esperantistoj ne 
sentas bezonon diri ke amikino havas amikinajn sentojn; sxi ja povas 
havi amikajn sentojn. Sed fratino ne havas fratajn sentojn - sxi nepre 
havas fratinajn sentojn.

Se laux vi amiko kaj amikino nepre estas geamikoj kaj neniam nur amikoj, 
kaj se laux vi amikino nepre havas amikinajn sentojn kaj neniam amikajn 
sentojn, do por vi la analogio estas plena. Sed por mi la analogio ne 
estas plena, kaj kiel mi jam diris, sxajnas al mi ke la plejparto da 
esperantistoj traktas tiujn radikojn same kiel mi.

Lastatempe, mi parolis kun samideano (pola, mi kredas), kaj kiam mi 
diris ke "Mia edzino estas usonano", li respondis "Usonanino, cxu ne?". 
Mi nur ridetis cxar mi ne volis disputi. Tiu situacio estas por mi plene 
analogia al amiko/amikino. Cxar mi ne sentas bezonon diri "usonanina" 
aux "geusonanoj", mi ne sentas bezonon diri "usonanino".

Rispondere a