> From: MRachmat Rawyani > Ceuk saha, ilmiawan Barat pola pikirna ilmiah, > obyektif, rasional?
Kang, di Amerika loba Kristen Fundamentalis, maranehna keukeuh peuteukeuh hayang "ngaleungitkeun" Teori Darwin. Ceuk beja mah Harun Yahya oge aya gawe babarengan jeung golongan ieu, contona foto-foto dina buku HY, sabenerna disupply ku golongan Kristen Fundamentalis ieu. Malah tanpa ijin tinu nyieun foto, nu umumna ti kalangan universitas atawa laboratorium lembaga panalungtikan. Di sababarha nagara bagian Amerika, kolompok kaum fundametnalis Kristen ieu ngusulkeun supaya "Teori pencipataan cerdas" teh diajarkeun di sakola-sakola. Ngan pangadilan (Mahakamah Agung) nolak, sabab cenah "Teori Penciptaan Cerdas" teh laen elmu, tapi "agama". Jadi rada ngaharib-harib jeung di toko buku di urang, nu misahkeun buku-buku HY dina rak buku-buku agama, lain dina rak buku-buku biologi ....... Ari ceuk kuring mah, teori evolusi oge tetep aya peran Tuhan, ngan beda jeung teorina "bleg jleg" alias "kun faya kun", Tuhan nyipatakeun universe (alam semesta) ngaliwatan proses. Salah sahijina proses evolusi mangkeluk. Teori "bleg jleg" alias teori penciptaan boga kalemahan. Lamun langsung diciptakeun "bleg jleg", meureun dina proses tumpurna ge sakaligus. Tapi dina kanyataanana pan henteu, aya proses. Maung Jawa tumpur, tapi tumpurna teu sakaligus, dina jero 100 taun, nu numpurkeunana, jelas manusa, prosesna oge jelas. Kitu deui proses mangkeluk-mangkeluk sejenna nu geus tumpur. Tah keur nu teu resep teori Darwin, nu diurus teh ngan ngabayangkeun mangkeluk "diciptakeun". Ari palebah tumpurna teu dipikir. Ieu beda jeung teori evolusi, ku dasar-dasar teori evolusi, mucunghul elmu lingkungan (enviromental Science, Darwin peloporna). Mangkeluk bakal tumpur, lamun teu bisa nyaluyukeun diri jeung lingkungan. Jadi lingkungan kudu dijaga. Ari teori penciptaan "bleg jleg" mah teu mikir kadinya, da tadina ge "langsung jadi", teu nempo lingkungan, lamun tumpur ge, ah da eta mah geus takdir ......... Baktos, WALUYA
