Josuk: <Guztiz legala da herri-kontsulta barik AHT eraikitzea. Nik dakidala sistema-aldaketak bai, kontsultatu behar dira, baina sistema horren arabera egindako gestioak ez, ez dago zertan, behintzat. Beraz ulertzen dut Eusko Jaurlaritzak ez duela zertan AHTri buruzko galderarik egin behar. -- Oinarri-oinarrizkoa. Euskararen Legeak aurten betetzen ditu 25 urte. Inork ez zuen herri-kontsultarik eskatu. Eta beste ehundaka adibide jarri zitezkeen.
<Baina bai EAEn zein Nafarroan parlamentuen %86aren babesa badu, eta hori herriaren nahiaren isla bada, zein beldur dago ba, AHTri buruzko kontsulta egiteko? -- Baina nork esan du beldurra denik? Zein alderdik eskatu du hori Berlindik Lisboara, edo Sevillatik Londresera? Guk indarrean dugun sistema demokrazia parlamentarioa da. Gainera, horrek zentzurik luke, izatekotan, orain dela 25 urte. Baina egitasmoa ez dago eztabaida-fasean, eraikuntza-fasean baino. <Ibarretxeren planaren inguruko kontsultan, parlamentuaren erdiaren babesak konfidantza nahikoa ematen badio EJri, zergaitik AHTren kasuan parlamentuaren %86ak ez dio EJri konfidantza hori ematen? -- Eta nork esan du ez dionik ematen? Konfiantza ezezik, baita inork dirua jarri ere. Hitz goxoak edonork eman ditzake baina kostu guztia (azken xentimoraino) ordaintzea konfiantza hutsa baino zerbait da. Ala ez? <AHTren aurka sutsu ari da jende nahikotxo, baina nik gizartean ez dut antzematen AHTren aldeko mugimendu handirik. Gehiago nolabaiteko pasotismoa. AHTren aurka ez daudenetatik, ez dakit zenbat joango lirateken aldeko botoa ematera, eta horretaz EJn jabetuta daudela antzematen dut, Amatiño, zure artikuluan. Bestela ez ditut ulertzen ariketa demokratiko (nahiz eta legalki beharrezko ez izan) hau egiteko beldurrak. -- Baina arazoa ez da hori. Hainbat arrazoirengatik borondaterik onenaz kontra egon daitezkeen gutxi batzuk izan ezik, AHT aitzakia politikoa besterik ez da. Bakerik balego ez litzateke horrela planteatuko. Amatiño _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
