O Xov, 21-08-2008 ás 12:37 +0200, Leandro Regueiro escribiu: > >> > Non sei onde está a discusión disto, pero paréceme raro que turno non > >> > exista. Heino confirmar consultando por aí. En todo caso xa digo que > >> > non me gusta nada ter que cambiar cousas cando o traballo está medio > >> > rematado e a maior parte dos cambios caen na miña parte, non será isto > >> > un complot pola vosa parte, non? > >> > >> Mirei no egu e turno apunta a quenda, pero turno ten un asterisco na > >> esquerda, ainda que non sei o que significa. Consultei a guía de uso e > >> só fala do asterisco á dereita para denotar que é un estranxeirismo. > > > > si, concretamente un castelanismo, (aparentemente). Xa dixen que nesta zona > > (Mariña Coruñesa) eu nunca sentín a ningún maior usando "turno" , pero si > > quenda (as quendas para lavar, moer, segar...), ou a "vez" para o médico... > > así que a non me soa natural e enténdoo coma un castelanismo. > > > > Podes comprobar no VOLGA [*] que a RAG o califica cono "non válido" e > > recomenda como sinónimos "quenda" ou "vez" > > > > [*] http://www.realacademiagalega.org/volga/index.jsp > > O da vez sóame a min tamén. Se hai que cambiar turno, cámbiase, pero > que alguén confirme isto.
"Quenda" refírese á vez que ten alguén para utilizar algo, un recurso limitado. Así, nas olimpiadas, os nadadores teñen que agardar a súa quenda, antes de nadaren teñen que rematar a proba anterior. "Turno" é varias cousas. Pode ser un grupo de persoas que se van alternando para facer algo (e por extensión é que se aplica este vocábulo aos horarios laborais), ou a orden na que varias persoas fan ou receben algo; como a miña muller é algo paranoica, imos á praia e bañámonos por turno, que o mar é largo e couvemos todos á vez (*) "Rolda", rolda é un turno, e máis cousas, como unha ronda (de vixilancia, p.ex.), ou un grupo de persoas postas en círculo, e tamén é algo relativo ás faenas da sega. E caseque todo o anterior son "veces": actos, ocasións, sucesos repetidos en serie fortuita ou pre-estabelecida. Para máis señas, cando vos fallen os dicionarios "normais", consultai o estraviz. A ligazón está anotada en trasno. Díxoo Villarino, queda "turno".