Hatur nuhun Ua infona. Upami teu lepat perkawis dana APBN kanggo nerbitkeun
buku didugikeun oge dina diskusi dinten Saptu, saur rerencangan nu hadir.
Kanggo abdi mah kaget oge, gening aya dana sakitu ageungna tina APBN, jigana
teu kalaporan tah Gubernur oge. Info ti Ua janten bahan kanggo ngalengkepan
laporan hasi diskusi kemis. Sakedahna mah diayakeun deui diskusi nu langkung
daria pikeun evaluasi perda 5/2003 teh. Supados jelas naon wae nu atos atawa
acan dilakukan ku Pemda. Oge keur netepkeun naon wae nu kudu dilakukeun ka
hareupna. Panginten urang antosan ti Disbudpar kanggo ngayakeunana. Diskusi
dinten kemis mah itung-itung ngamimitian, da saenyana karek diobrolkeun deui
tah si Perda teh.
Sakali deui hatur nuhun.
-ika-
MSasmita <[EMAIL PROTECTED]> wrote:
Leres sim kuring ngahadiran eta diskusi, mung hanjakal sim kuring
teu kabagean nyarios da waktosna tos seep, kabujeng magrib.
Saleresna sim kuring teh tos mekel hiji dokumen anu rada ngaharib-harib kana
kagagalan pelaksanaan perda no.5/2003, utama dina nyadiakeun buku pikeun urang
Tatar Sunda.
Ironisna nu ngayakeun buku teh hiji "badan" anu aya dilingkungan pemprov
Jabar. Geura ieu datana (sanggeus di gulang gaper).
Nyadiakeun buku pikeun 9 kota x 5 kalurahan x 600 exemplar ditambah 16
kabupaten x 55 desa x 600 expl, jumlah jamleh 555.000 expl, 516 judul, biayana
Rp 13,8 M, sumber dana APBN 2007.
Tina 516 judul, 555.000 expl, buku basa Sunda ngan 9 judul (1,74%) lobana
2.330 expl (0,42%), hargana Rp 64,5 juta (0,47%), jeung buku ngeunaan Sunda
(orang Sunda/ kesenian Sunda) make basa Indonesia ngan 3 judul (0,58%) lobana
1960 expl (0,35%) hargana Rp 48,54 juta (0,35%).
Kuring teu pati telek kumaha distribusina ka desa/ kalurahan, lantaran anu
ditingali teh persentase anu sakitu ganjorna jeung jumlah expl atawa judul
sakabehna, eta ge geus mere indikasi teu pati aya komitmen kana perda no 5/2003.
Ceuk pangarasa kuring, rada subyektif ieu mah, basa Sunda teh keur urang
Sunda lain bae kudu maher basa Sunda sacara lisan tapi kudu bari jeung mindeng
maca. Hal ieu geus rada kabuktian di Kusnet sorangan, sok mindeng katangen loba
anu salah nulis basa Sunda, eta ciri arang langka maca buku/majalah/koran basa
Sunda, entonglah lamun geus entep seureuhna basa, ejaanana we heula anu
panggampangna ngalarapkeun e (lebet, asup) jeung eu (leubeut, loba buahna),
kapan sok mindeng anu nulis pahili, siga nulis punten jadi punteun, sakali deui
eta kitu teh kusabab arang langka maca buku basa Sunda, da meureun lamun osok
mah maca buku Sunda moal nepi ka salah kitu.
Maca buku basa Sunda teh kudu aya bukuna, kudu aya anu dibacana, ari ieu aya
kasempetan pikeun ngayakeun buku basa Sunda bet siga anu dimomorekeun, siga anu
diapilainkeun. Sigana aya benerna Perda teh can disosialisasikeun utamana di
lingkungan birokrat sorangan, da ari rahayat mah siga kuring, aya perda atawa
teu aya perda tetep we deudeuh jeung mikaasih kana basa Sunda, maca buku Sunda
osok sapoe sakali mah.
Kahayang mah cik atuh pemprov teh da geus aya perda-na pikeun ngamumule basa,
sastra jeung aksara Sunda, dina ngayakeun buku teh 10% weh buku buku basa
Sunda, meureun sakitu ge meujeuhna, apan ieu mah teu nepi ka 1%, boh lobana boh
biayana.
Basa poe Jumaah isukna (tgl 24 Agust 2007), kuring buru-buru nepungan sumber
anu mere dokumen, sasadu basa kamari teh teu sempet ngabejakeun ieu masalah ka
forum. Ieu sumber teh tuluyna aya niat muru ka Pa Wahyu, lantaran Pa Wahyu rek
diulem ka Bapeda isukna, duka tah naha nepi ieu masalah atawa hanteu (Kang
Manar teu nyerat dina laporanana, sigana Pa Wahyu ge teu ngaguar hal ieu).
Memang lamun hal ieu ditepikeun ka forum, ayana dina tataran praktis,
praktekna dilapangan ngalaksanakeun perda, lain tataran teoritis anu kalan
kalan karasa ngawang-ngawang, hayang ngaranggeum bentang, padahal saur Prof
Herman Suwandi mah etos kerja urang Sunda teh butut (dina buku proseding KIBS
jilid 2), tapi ketah ari dina tataran idea mah enya kudu alus, kudu hayang
ngaranggeum bentang.
Ka Teh Ika, hatur nuhun fc Perda-na, hanjakal harita sigana karawel ku Pa Us
Tiarsa, da dikorehan dina rangsel teh teu aya,...he ..he..., apal aya perda
tapi "suer" nembe maca harita.
Hal kadua nu rek ditepikeun teh, hal data anu ngajugjug ka Rumah Baca Buku
Sunda, ceuk eta data nu ngajugjug teh beuki nambahan, hartina buku basa Sunda
aya nu maca keneh, teu kudu salempang teuing basa Sunda bakal leungit, lolobana
nu datang teh masyarakat umum (lain pelajar, lain mahasiswa) boa nyahoeun boa
henteu ayana Perda No.5/2003, tapi tetep we daraekeun maca. Ana kitu golontoran
we atuh masyarakat teh ku buku buku Sunda, buku teh sing nyebar ka suklak
siklukna, jeung deuih nu disebut buku basa Sunda teh ulah wungkul hal sastra
atawa kasenian, tapi bisa bae dina hal tatanen, melak tomat, melak melon
dijieun bukuna ku basa Sunda, miara lele, miara gurame ku basa Sunda, hal
kasehatan ku basa Sunda, kaasup hal global warming alus lamun ku basa Sunda,
ngamumule leuweung, jste.
MSasmita
Messages in this topic (0) Reply (via web post) | Start a new topic
Recent Activity
16
New Members
2
New Photos
Visit Your Group
Need traffic?
Drive customers
With search ads
on Yahoo!
Yoga Resources
on Yahoo! Groups
Take the stress
out of your life.
Endurance Zone
A Yahoo! Group
Learn how to
increase endurance.
.
---------------------------------
Sick sense of humor? Visit Yahoo! TV's Comedy with an Edge to see what's on,
when.
---------------------------------
Sick sense of humor? Visit Yahoo! TV's Comedy with an Edge to see what's on,
when.
