Gaur komunikabideetan beste leizezulo eta aztarnategi bati buruzko albisteak datoz. Lezetxiki-ri buruzkoak. Lezetxiki Arrasaten dago, eta bertan aurkitu dira Euskal Herriko giza aztarnarik zaharrenak. Bere garaian Joxe Miguel Barandiaranek industu zuen aztarnategi hori, edo horren zati bat, eta bertan aurkitu zuren orain 150.000 urteko giza hezur bat. Homo Heildebergensis-arena dela diote adituek, Neanderthal-aren aurreko gizaki batena.
Maltzaga-Urbina autopistaren ibilbidea zehaztu zenean Lezetxiki bertatik pasatzekoa zen errepidea. Obra modu horretan gauza izan balitz aztarnategia erabat suntsituko zen. Aranzadik errekurtsoa egin zuen, eta lortu zuten ibilbidea aldatu eta autopista beste toki batetik pasatzea. Horri esker jarraitzen dute industen Alvaro Arrizabalaga eta Marijose Iriartek gidatutako lantaldeak Lezetxikin. Autopista bati ibilbidea aldatzea ez da izaten "merkea" baina kasu horretan horrela egitea erabaki zen. Horrelako adibideek egiten dute arraroago Praileaitzen egoera. oier. _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
