Mi komprenas vin, Vastalto, cxar mi perceptas, ke ni kunsentas tiun problemon.
La sola fakto estas, ke -esk- ne estas esperanta vorto laux la formala lingvo, per kiu gxenerala vortaro kiel ReVo devus sin gvidi. Tion oni ne devus diskuti surbaze de propraj sxatoj. -Esk- oni lasu por artuloj, kiuj rajtas eksperimenti, provi kaj provoki la lingvajn limojn, sed ReVo, sxajnas al mi, ne estas artula vortaro. Jes, oni devus marki -esk- kiel evitinda laux la revaj terminoj. Evitinda ne signifas malpermesata aux erara, sed indikas al la konsultanto, ke la vorto ne apartenas al la cxiutaga lingvo: gxi estas do speciala vorto, apartenanta al la esperanta kulturo, sed ne kiel ordinara ero. Sed mi ne estas revulo, mi nur profitas la diskutojn de tiu listo por lerni aux ecx por vidi kiom mi povas plene fidi ReVon mem. Tiun decidon do mi lasas al la veraj kontribuantoj. Kun dankon, Fernando
