Boas:
Xa lin os estatutos (por enriba)
Recoñecendo que é manía persoal, prefiro blogue/blogues a blog/blogs igual que clube/clubes a club/clubs. Isto é só un comentario.


suspendaranse -> suspenderanse
proxectoe?? (isto está ao final, no penúltimo parágrafo)

Cando se fala do que substitúe ao presidente, temos vicepresidente?
"Será asistido nas súas funcións por un vicepresidente, que o substituirá nos casos de vacante, ausencia ou enfermidade."

Se o voto é secreto, como se controla isto?
"a unha primeira quenda de votación na que o asociado vota por calquera outro asociado, agás os que teñan condición de patrocinadores, xuvenís ou por si mesmo; " eu quitaría o de "votar por si mesmo"

Que pasa se na primeira volta un candidato ten maioría de votos??
Penso que habería que pór no que non hai segunda volta. Non lle vexo sentido.

Por outra banda penso que se ha de elixir entre os 2 máis votados para procurar maiorías e non entre os catro máis votados.

Sego a pensar que a directiva tiña que elixila o presidente. De todos os xeitos se queredes, o secretario (controlador do presidente) que o elixa a asemblea pero o/s demais cargos que o elixa o presidente. Sigo a pensar que se o presidente non elixe equipo eu non lle podo pedir responsabilidades.

abur
--
damufo

Antón Méixome escribiu:
1 e 2. Fixen unha revisión que quería ser só lingüística (erratas) pero tiven que entrar en moitos detalles polo que envío o proxecto de estatutos con control de cambios para que se poidan ver.

As erratas ou correccións obvias van simplemente corrixidas. Os cambios propostos van ademais marcados con cor. Hai bastantes detalles tocado pero o cambio máis importante é a necesaria distinción de situacións en que unha persoa ou entidade actúa como socio e cando non. Debido ao sector no que se inscriben as actividades vai ser totalmente inevitable que ás veces coincida a faceta profesional e a altruísta. Con deixalo claro soluciónase facilmente.

3. Propoño a primeira semana de setembro para a Asemblea constituínte

Finalmente, creo que hai un problema co calendario previsto respecto das Asembleas e o traballo do futuro tesoureiro. Non vexo como se vai casar que as Asembleas sexan entre outubro de decembro mentres os informes económicos se fagan a principios de xaneiro ou ben 15 días antes da asemblea ordinaria. Para min que é contraditorio.

Gran traballo o de Miguel

Saúde,

Antón






2009/7/17 Miguel Branco <bandu...@gmail.com <mailto:bandu...@gmail.com>>


    Teño unha proposta final de estatuto.

    Hai modificacións importantes que se deben a adecuarse ao que
    debatemos e
    votamos e algunha variación para mellorar a claridade expositiva ou a
    precisión.

    Perdoade o longo e pesado da mensaxe :)

    Dou conta :
    1º, dos resultados da votación que propuxen,
    2º, dos cambios importantes
    3º dos porqués das modificacións
    4º nota persoal

    e pídovos que:
    1º digades se hai algo que quirades cambiar,algo que obxectar....
    2º avisarades de erratas
    3º propuxerades data para a asemblea


    __________ Resultados das votacións __________________________
    == Directiva Xeral:
    1 presidente, 1 secretario 1 tesoureiro: Dani, Marce, Xosé
    1 presidente, 1 secretario, 1 tesoureiro, vogais a vontade: Leandro, M.
    Bouzada, Eu

    == Duración dos cargos:
    cada dous anos, igual duración: todos

    == Método de elección da directiva:
    *Lista pechada/Presidente por elección directa, elixe directiva: Xosé
    *a asemblea vota persoas individualmente, o máis elixido será o
     presidente
    que nomea a directiva, a asemblea ratifica a nova directiva: Dani
    *a asemblea vota persoas individualmente. As persoas máis votadas
    entran na
    directiva, tantas persoas coma cargos. Unha segunda volta elixe o
    presidente.
    O presidente asigna cargos entre os que máis votos recibiran na primeira
    volta.: Marce, Leandro, Eu
    * asemblea vota persoas, individualmente, as máis votadas entran na
    directiva
    por orde de importancia (presidente > vicepresidente >...): M. Bouzada

    == Actas:
    Na mesma sesión: Xosé, M. Bouzada, Dani (indif) ,Eu
    Na seguinte sesión: Marce, Leandro, Dani (indif)

    == Votación electrónica:
    Só en asemblea ordinaria:  Dani, Marce, M. Bouzada, Xosé, Eu
    Tamén en asemblea extraordinaria: Leandro


    __________ Cambios importantes ______________________________


    Capítulo I.
    Corrección da denominación (art. 1)
    Engádese a posibilidade de desenvolver software libre e dar soporte
    (art.
    5.1.v & 5.2.vi <http://5.2.vi>)

    Capítulo II.
    Reincorporase o asociado xuvenil

    Capítulo III.
    Adaptación a unha estrutura: presidente, secretario, tesoureiro
    (art. 11)
    Establecese o método de elección de presidente (art. 12.3)
    Establecese o método de elección da directiva xeral e de como cubrir as
    vacantes (art.  12.4 & 13.3)
    Márcase como función da directiva certificar as signaturas electrónicas
    corresponden con un asociado (art .14.ix)
    Establecese a 'delegación de voto' (art. 25)

    Capitulo IV-VI
    (sen cambios)

    ____________ Razoamentos das modificacións _________________
    Capítulo I.
    **Corrección da denominación (art. 1)
    'Proxecto trasno' é a denominación que se empregou inicialmente.
    Especifícase
    o ámbito (cultural) e a actividade (localización de software libre
    ao galego).
    Se alguén se lle ocorre como abrevialo ;)

    **Engádese a posibilidade de desenvolver software libre e dar
    soporte (art.
    5.1.v & 5.2.vi <http://5.2.vi>)
    A proposta de Marce, discutido no fío de Maio

    Capítulo II.
    **Reincorporase o asociado xuvenil
    Eliminárao inicialmente, reincorpóroo por se houber menores de
    idade, que
    necesariamente teñen que ser excluídos da directiva xeral. Descoñezo
    se é
    obrigado ter este apartado, así que por se acaso, vai incluido.


    Capítulo III.
    **Adaptación a unha estrutura: presidente, secretario, tesoureiro
    (art. 11)
    Votamos case por igual esta proposta e a de incorporar vogais. Como nos
    seguintes artigos se establece que a directiva xeral pode formar
    comisións a
    efectos de delegación de actividades, fago de abogado do demo e
    entendo que
    non é necesario incorporar vogais.

    O grande problema desta proposta é que hai que eliminar a figura de
    'vicepresidente' e así o fixen. Como a directiva ten, por lei, que estar
    sempre composta por un mínimo de3 persoas, busquei a maneira de
    adecuar isto
    con cubrir as vacantes. Tiven que darlle voltas un cacho, non vos
    creades ;)
    vd. seguintes puntos.

    **Establecese o método de elección de presidente (art. 12.3)
    A proposta máis votada fora a f. Pero dani propoñía outra similar,
     M. Bouzada
    prefería que os cargos quedasen determinados por unha primeira volta
    por orde
    de importancia, e Xosé que era partidario de lista pechadas ou
    similar. En
    fin.
    Redactei o punto en base a proposta (f) e establecendo un xeito de
    resolver o
    problema de eliminar o vicepresidente e cubrir as vacantes. Así que
    a proposta
    son dúas quendas de votacións, unha de 'escolma' de candidatos e outra
    'segunda volta' á francesa para determinar a posición dos
    candidatos. Nótese
    que considero que poden darse empates, algo agora mesmo previsible
    cun número
    baixo de 'socios'. Votación segreda en 'urna' da que quedan excluídos os
    xuvenís (menores de 18)  e os patrocinadores (misión: evitar
    influencia de
    empresas na elección da directiva)

    **Establecese o método de elección da directiva xeral e de como
    cubrir as
    vacantes (art.  12.4 & 13.3)
    No método de elección do presidente inclúo o de que o  escolla entre
    os que
    entran na segunda ronda (que son tantos coma cargos na directiva +
    1) quen é
    na directiva para conxugar aquilo de se o presidente se leva mal con
    alguén
    etc coa  'vontade popular'. Os que entran na segunda volta son
    catro, para que
    sobre alguén. (Un é o presidente, que elixe quen dos outros tres é o
    secretario e o tesoureiro e sobra un ).Con isto queda un alguén
    definido por
    se houbera que cubrir vacantes na directiva xeral. Non sería calquera, é
    alguén específico que obtivo votos na elección.

    Logo, determino que quen faga de 'vicepresidente' sexa o secretario
    (paréceme
    o lóxico 2º posto nunha directiva a 3), e que o posto que este deixa
    libre
    temporalmente o cubra ese 'cuarto' nas votacións. Penso que non
    tería sentido
    que cubrise o posto de presidente ese cuarto.

    **Márcase como función da directiva certificar as signaturas
    electrónicas
    corresponden con un asociado (art .14.ix)
    Paréceme importante dabondo como para que vaia nos estatutos. A
    alguén lle
    haberá quen reclamar se existen votos duplicados etc

    **Establecese a 'delegación de voto' (art. 25)
    Preguntei algo que non tiña sentido: o de cando permitir a
    delegación de voto.
    A pregunta sería: para qué permitir a delegación de voto. Pódese
    delegar voto
    para elixir presidente?. Isto darase habitualmente nas asembleas
    ordinarias,
    excepcionalmente nas extraordinarias. Así que aquí volvo a facer de
    avogado do
    demo. Marco que se pode delegar voto comunicándollo ó secretario
    (para que
    anote o voto) e facéndoo público, caso de realizar as asembleas
    presencialmente, con antelación e sempre que o que se vota non sexa algo
    ambiguo. Para votacións ordinarias isto supoño que é suficiente.
    -ie. Migramos
    a web a drupal? si, non... Pagámoslle o gasoil ó preside cando vaia
    de marcha?
    non!!... Enténdeseme, non?.

    Caso da elección do presidente/directiva  é diferente. O que fixen
    foi dicir
    que se  si podería por correo enviando:
    - un sobre co nome, nº de asociado... (identificador do asociado)
    - un sobre dentro do outro sen identificación co voto por x persoa
    - ábrese o 1º sobre no momento da 1º quenda de votación
    - rexistrase, vota fulanito de tal, e o sobre co voto que o acompaña
    ponse a
    canda os demais
    - compútanse tódolos votos por igual
    Se o voto se entende como segrego só pode valer isto para a 1º quenda de
    votación.


    ::Notas::
    O estatuto tal como está é bastante ríxido e específico. Pode
    parecer excesivo
    na redacción pero penso que é o mellor para evitar problemas por non
    establecer determinadas cousas. Por exemplo, no modelo de estatuto
    NON se
    especifica como escoller a directiva. Só se di que se escolle en
    asemblea
    xeral. Neste estatuto especifícariase ata como resolver empates.
    Paréceme
    conveniente.
    Logo, tomando como refente ós estatutos de KDE ev. e Gnome foundation,
    introducira  o 'patrocinador' con voz pero sen voto: isto está
    pensado para
    evitar que a asociación a dirixa 'x' empresa interesada etc. Que
    conste que
    non penso en ninguén en concreto pero hai que pensar na posibilidade.

    Xa vos contarei a que cousas lle teño botado o ollo para trasno.net
    <http://trasno.net> 2.0 ;)

    sen máis, vós diredes!

    ala!, marcho de parranda!!



Responderlle a