Mi cxiam gxuas legi la satirajn versojn de Sernjo, kaj admiras liajn donkihxotajxojn kontraux Ea vorto jam trovebla en la Enciklopedia Vortaro de Wüster de antaux 75 jaroj. Li pravas: ReVo nepre ne informu pri gxi! For al samizdato kaj gulago laux ukazo de carejevicxo Sergio la Granda! La komencantuloj al la kolhxozoj!
Se ankoraux estas - eble tamen - iuj, kiuj volas verki retan vortareton ... do bone, simple faru kaj ne lasu vin gxeni de la stepaj lupoj. Ili hurlas, sed volas nur ludi. Sxajne ili sentas sin ne amataj de la mavaj, mavaj sun-suduloj. Cetere: Cxu estas la frosta krakado de la tajgo, ke la projekto tiel stagnas? Aux simple, ke sxajne neniu krom Wolfgang kaj Jerôme teknike majstras la ReVo-programon? Kun siberia frido-rido Bernhard ----- Original Message ----- From: Sergio Pokrovskij To: [email protected] Sent: Friday, November 02, 2007 4:58 AM Subject: Re: [revuloj] Re: pakt/o Je 11/1/07, Wilhelm: [...] > La germana 'Pakt' kovras la plej grandan parton de la nuancoj de > 'Vertrag' (kontrakto), kaj do estas uzata ne nur por fikontraktoj, > kiel "Teufelspakt" au "Pakt mit dem Teufel" (kontrakto kun la > diablo; por tio oni ne uzas aliajn vortojn kiel 'Vertrag" > (kontrakto). Supozeble ĉar la okcidenta diablo parolas Latinon. Ruslingve "pakt" en tia kombino estas stile malebla --- ĉar por ni Latino ne estas liturgia lingvo por komunikado kun la Diablo. Ĝi aspektus kiel humuraĵo, kiel groteske malkonvena vorto. > La finuanco estas la chefa nuanco kiu distingas ghin de 'Vertrag' > (kontrakto). Ĝi evidente ne ekzistis antaŭ la Dua mondmilito. Tutsimple la germanaj diplomatoj uzis la vorton tute ĝuste laŭ ĝia senco en la internacia juro; sed post ilia malvenko oni transportis la malŝaton al la germanoj sur la latinan vorton kiun ili uzis. Simile, pro malamo kontraŭ la rusoj la vorto "ukazo" (kiu proprasence signifas simple nure "edikto") ricevis en la landoj okcidentaj finuancon kiun registras PIV2 --- kvankam la ediktoj de la absolutismaj francaj reĝoj ne estis iom ajn pli bonaj. -- Sergio
